28. Xiru arrakastatsüa izan da ! Jente andana hüllantü da hiru egünez eta antolazaleak botzik agertü dira. Ostiralean, Vivaldiren lau sasuak kontzertüan eliza beterik zen eta jenteak oro lilüratürik elki dira hortarik. Animaleko arrakasta üken düe. Neskenegün arratsen, Oihan and Co kontzertüa ere  ikusliarrenganik maitatürik izan da. Ez bada berriz emanen, hori üdüri den kontzertü bat izanen da Müsikaren Egünean Urdiñarben, neskenegün gaüarekin. Igantean ere, jente agertü da Xiberoko dantza kantatüentako. Dagün urteko hitzordüa berriz eman dü Abotia alkarteak, Gotainen bedatsea jeialdi honekin hasten beita !
Xehetarzünak oro Mixel Etxekoparrekin :

Ostirale hontan, (2017.04.14) arratseko10 orenetarik harat, Zinka ostatüala horra da zeltiar müsika egiten düan Deiedra taldea. Bilbo aldeko taldea da eta düala 9 urte hasirik badira, Xiberoan eginen düen lehen kontzertüa izanen da. Zeltiar rebel folk müsika estiloa emaiten düe eta horrentako 3 müsikalari badira. Kantore haboxeenak euskaraz egiten badütüe, zonbait gazteleraz, inglesez edo irlandesez ere badira.
Xehetarzünak oro Deiedra taldeko kantaria den Hibai Aiestaranekin :

Sü Aziak libürü berri bat argitaratü dü.  'Ziberoko Egünaria, Eüskara lehen eta orai' izenekoa. Hortan, XIX eta XX. mentetako ber izena züan egünari edo almanak batetarik hainbat artikülü bildü dütü.  Oro xiberotarrez idatzirik. Hau egin ahal izan badüe Eüskararen Erakunde Publikoaren 1.100 euroko sos lagüngoa bati esker izan da. 1887tik 1914eala, Xiberoko xuriek egünari edo almanak bat argitaratzen züen urte oroz. Ale zonbait galdürik izan badira, abantxü oro bildü dütü Sü Aziak eta hortarik artikülü zonbait bildü dütü libürü hortan agertzeko. Püntü hetako idazmoldean ere ageri badira, egunko ortografala ezarririk izan dira artikülüak. Gei desbardinak dira libürü hontan aipatürik, bestak, bozkak: etxekoen eginbideak, erlijioneak, harginbeltzak, pelota… Sarako idazleen biltzarrean aurkeztürik date igante eta astelehen hontan.
Xehetarzünak oro Allande Socarrosekin:

Ostirale hontan hasten da Xiruren 28. antolaldia. Hona hitzordü nausiak: ostiralean, Vivaldiren 'Lau Sasuak' diska aurkeztürik date Iruriko elizan, 21:00etarik harat, kostaldeko kantari eta musikalariekin (txalaparta, pandero, ttunttun, txülüla ; neskenegünean, Alozeko Oihan Oliarjek, Xiberoko kantore zonbait arramoldazez egin düan 'Oihan and Co' diska aurkeztürik date eta parada horrekila hebenko kantariak igaranen dira taulada gaineala, ondotik PUMCLIKS taldeak (Italian gipsy rokoko) bazterrak berotüko dütüalarik ;  igante arrestiritan, 4 orenetarik harat, Xiberoko dantza kantatüak emanik izanen dirateke, Xiberoko müsikalarien eskütik, zoinek ere entzünaraziko beiteizküe: ttun ttun, biolin, txülüla, botz zoinbaitekila batean.
Xehetarzünak Mixel Etxekoparrekin :