EKE Euskal erakunde publikoaren Dokümenatalaren zikloa Xiberoalat heltzen da astearte gaü hontan. Parda hontan bi dokümental ikusgei dirateke Maule Baithan. 8ak eta erditan Santazin famatürik den Sandra Otten dokümentala hedatürik dateke, non ere 80ko hamarkada eta ordünko problematikak aipatürik diren. Philippe Etchegoyhen hor dateke ere bere libürüan aipatzeko eta ordünko Xiberoko gizartearen aipatzeko. Ondotik "Maskaradak" Jean Dominique Lajoux-ren dokümentala, Ligi eta Pagolan artean 1968ko maskaradak direlarik agertüko hor. Bera eta Mixel Etxekopar hor izan behar lükie maskaradaren aipatzeko.
Philippe Etchegoyhen gure kümita zen gaüaldi honen aipatzeko:

Ostiral hontan Le quetzal, Guatemalako haurren eskolatzea lagüntzen düan  elkarteak antolatzen dü kantaldi bat maule gaineko elizan.
Horretan Lea Escondeur, johane Berrogain , amaren alabak ariko dira. Eta lehen aldikotz  Errejenta taldearen diska berriko kantoreak püblikoki emanen dütüe.
Guatemalako egoera, alkartearen lana eta ostiral hontako gaüaldiaz mintzatzen zaikü Leonie Agergarai, Le quetzal –eko kidea Iulen Guiresse-ren mikroan:

Dagün üdako pastorala Atarratzeko herriak emanen dü eta Jean Pitrau, herriko laborari sindikalistaren istoria kontatüko.Pier paul Berzaitzek izkibatü dü pastorala, bere ustez Jean Pitrau en bizian denak beitziren pastoral baten egiteko.Jean pitrau ek, laborari ttipien alde lan egin züan, Edgard Pisani , ordünko laborantxa ministroa ekarrazi züan Xiberoalat erakusteko nolako baldintza txarretan lan egiten züen laborariek. Basa eskola bat muntatü züan bere kartielean , Larsac en ere izan zen eta gazterik zentü 45 urteetan.140 jente agertu da neskenegün gaüan Atarratzen egin lehen bilkürala eta pastorala orai abiatürik da .JP récalt izanen da errejenta, kantoreak Pier paul Berzaitzek eramanen dütü eta arropak aldiz Erramun Garciak.Pastoralaren lehen mustraka izanen da barantailaren 5an eta emanen da Atarratzeko arrabotüan, uztaila 24, agorrila 7an ; Otxagabian agorrila 15 an eta Parisen Chatelet antzokian setemearen 17an.
Pier Paul Berzaitz:

10 gerren aldikoz, neskenegün hontan,  Barkoxeko Etxahun alkarteak eta Baionako eusko ikaskuntzak antolatzen düe gogoeta egünaldi bat gei baten üngürüan.
Aurtenko lema  : xiberoko dantzak atzo, egün eta bihar !
Neskenegün goizan , 10 etan, Jon Iruretagoyena , xiberoko dantzaren historiaz mintzatüko da , ondotik eztabada .
 Arrestitan, 3 orenetan,  3 bideo erakutsiko dira , Altzürüküko maskaradetaz eta Erramun Tartaxü dantza erakaslearen ürratsetaz, ondotik , mahain üngürü bat dantza sorkuntzetaz , Johaine Etxebest, Patrick Queheille Kanpo, Peio Labeyrie eta Jon Iruretagoyena ekin.
Hitzordüa , Barkoxeko denen etxean Goizanko 10 etarik goiti.
Patrick Queheille Kanpo: