Urtarilaren 10etik goiti herriz herri iganen dira igande oroz apirilaren 10an, hokiko bestekin ürrentzeko.
Momentüko, Julie Ahaspe dantza erakasleak, Battitta Berrogain eta Alain Guimont errejentek azken eginahalak egiten dütüe atzamaiten dütüen hütsen xüxentzeko.
Berrikuntza edo hobeki erran, kanbiamen zonbait izanen dira aurten : xorrotxen partez artzaintsak izanen dira, eta buhame taldea emaztez baizik ez da osatürik. Erran behar da neskatila haboro badüela pottiko beno.
Taldea aski gazte da eta eüskaldün eskasarengatik zonbaitek bi kargüetan ariko dira. Horrentako kerestuen joküa goizan baizik ez da emanik izanen.
Horrezgain Battitte Berrogain-ek 3 kantore berri sortü dütü, entzüten ahalko dira eszena jokü berriekin batetan.
Battitta BERROGAIN:

Irakurri gehiago ...

Kanta Xiberoa elkarteak, Mendiz Mendi kürra antolatzen düana, kantari txerkatzen dü.
Biltzar nausitik hori elki da, bai eta ere kantaldi egitea txerkatzen düela.
Azken 2 urteetan Mendiz Mendi kürrak kantaldi bat baizik ez dü eman berak , besteak Singa Singa elkarteko beste 2 kürrekin (Chorosame eta Grain de Phonie izenekoak).
Oraiko Mendiz mendi taldeak 30 kantari badütü, gorenian 60 zirelarik. Singa singako 3 kürrak elgarrekin 100 bat kantarietarat heltzen direlarik.
Mendiz mendi kürran sartzeko interesatürikdiren oro honki jinik dira eta jakin errepikak asteart gaüaz direla, 8.30tarik 10.30tara, Alozeko  ‘pole petit enfance’ edo haurtzaintegian.
Urtearen eta geroaren bilana egiten deikü Felix Laxague, elkartearen presidenta:

Arño Hegiaphal Üharte-ren hiltzearen lehen urte bürüaren karietara, kantaldi omenaldia eginen dioie lagünek, neskenegün hontan gaüko 9etan Sohütako elizan.
Arño Hegiaphal laborari sindikalista, herriko haütetsia, aberzalea, eta idazlea izan zen. Kiristi hümanista zen ere halaber eta ez züan gordatzen. Bere ideien alte güdükatü züan beti.
Sohütako elizan beraz kantaldi omenaldia eginen zaio. Kantan ariko dira, Mixel Arotce Zartantxü, Jean Mixel Bedaxagar, Eñaut Etxamendi eta Jean Louis Hariñordoki Laka, Beñat Sarasola eta Eneko Labegeri, Luxi Etxekopar Camus, Erramun Martikorena, eta Sohütako kantariak.
Jean Louis Davant bere lagünetarik zen, eta antolazailetarik:

Sü aziaren Biltzar nausia igan da iragan neskenegünean, Mauleko ondararen etxean.
Urteko bilana egitekoan, sos arrenkürak badütiela aipatü düe. Zor zonbait ükenik, düala hilabete bat hasik düen crowfunding kanpainan esperantxa handiak ezarten dütü bere lanaren jarraikitzeko.
Sü Aziak xiberotar kantoreak biltzen dütü eta Azken 20 urteetan bildürik izan den kantore funtsa aberats bat badüe eta hori pübliko ezartea ments zaie.
Xiberoko kantoreen transmisioaz ardüratzen bada elkartea,  Xiberoko kantatzeko manera definitzea eta horren erakastea kantarier helbürü gisa ezarri dü dagün urteentako.
60 egün (2 Hilabete) ments da crowfunding-aren ürrentzeko eta Xiberotar kantorea maite düen oroer dei egiten dü JM Bedaxagarrek elkarteari gero baten segürtatzeko.
Jean Michel Bedaxagar: