Gogoetaren egiteko, Amikuzeko Zabalik alkarteak kümitatzen gütü Otsail Ostegünak 2012ko mintzaldi ziklo berrian. Üngüramena eta historioa sailetan, itsasoaren kozadüra, Nafarroako erresumaren sortzea, Jean Pitreau Atharraztararen bizia, ideiak eta obra, eta Gartxot konkista aitzineko konkista dirateke lau mintzaldien aipageiak. Lehen hitzordüa, barantailaren 2an ostegün arratsarekin  20.30etan Donapaleüko zerbütxügünearen gibeleko salan finkatürik da. “Gure eragina huraren kalitatean”, Surfrider Fundazioneko hiru kideek beren egitüraren lana presentatüko düe. Nola kozatzen dügün, nola hobe dezakegün, gei horik aztertüko dira, bideo eta argazki bildüma ezberdinez azpimarratürik.

Entzün Pelle Errezaret, Barantailaren 2ean izanen den mintzaldiaz : 

"Amaiur" ikusgarria da Gaztelüko Lagünen alkarteko lan nausia 2012ean . Pier-Pol Berzaitzek dü lan hau idatzi. Aurten, bost ehün urte beteko dira Kastillak Nafarroa konkistatü züala. Azken güda, Baztaneko Amaiureko gaztelüan izan zen, non 200 bat güdariek, aste batez bürü egin züen 10 000 soldado espainoler. Geroztik, eüskaldünen erresistenziaren sinbolo bilakatü da Amaiur. Honen oroimenez, ehün bat arizale bildüko dira Pier-Pol Berzaitz, Edu Murua Mendigaraz taula züzendaria, eta Karloz Gimenez müsikalariaren üngürüan. Amaiur eta Xiberoko kantari ta dantzariak jüntatüko dira ofiziozko artister. Lau ataletan aipatürik date Nafarroaren konkista, barne Xiberotarrek han üken düen presentzia. Amaiur ikusgarria, üztailaren 20 eta 21ean Amaiurko herrian date, aldiz agorrilaren 8 eta 9 ean Maulen.

Entzün Dominika Espil Berritza konpaniako kidea :

Üztaro arte atelieretako haur eta gehitüek eraman düen lana presentatü düe urtarilaren 28ean Mendikotako Algarrekin galerian. Estrenatzearentako, Uztaro atelieretako parte harzaleak hor ziren beren familiekin, ondorioz Algarrekin galeria jentez beterik zen. 2011 urtean, begitarteak eta gizonaren korpitza lantü dütüe ikasleek, beraz estilo ezberdinetan lantütako korpitz eta begitarteak dira ikusgei. Ürrentzeko, Uztaro atelerian arteari hunkitzen düan xede güzier bortak zabaltzen dütü. Azken urte horietan, bi neskatilek arropa sorkuntzan eraman düen lanaren erakusteko moda desfile bat egin da eta arrakasta ederra bildü dü. Uztaroko erakuska orano ageri da Mendikotako Algarrekin galerian barantailaren 3tik-5ala arrestirko 2:30tarik 6:30tarat.

Entzün Gontzalo Etxebarria Uztaro alkarteko margo erakaslea : 

2012ean maskaradak izanen dira Xiberoan. Üsatü beno berantago hasiko dira eta hilabete bat baizik ez düe iraünen, apirilako bost aste ondarrez. Xiberoko herri ezbardinetarik dirateke maskaradakariak, Xiberoko Ikastoletako Ikasle Ohiak direlakoz xede honen eramaileak. Urte ondarrean jakin zelarik ez zatekeala maskaradarik izanen, ikasle ohiek zerbaiten egitea deliberate züen. Urtarilaren 20an lehen bilküra egin ondoan, partitzea erabaki düe eta bertan lehen mustraka plantatüko düe.

Entzün Bettan Bordagaray eta Joanes Etxebarria Ikastolako ikasle ohiak eta maskaradaren builtazaleak :