Soziala - Osagarrigintza - Xiberoko Botza

: Soziala / Osagarrigintza; 2010 Ekaina 14; Agerraldiak: 2168

Saharatik Mauleko merkatüalat

Tatapt kooperatibako ordezkaria Nigerreko (Afrika) Touareg kooperatiba baten ordezkaria Maulen zen neskenegün hontan. Goizean Mauleko merkatüan zen han egin edergailüen saltzeko, eta ülüntzean filma bat erakutsirik zen Hebentikenean hanko bizimoldearen ezagütarazteko. Touaregak Saharan gainti kurritzen diren laborari ibiltariak dira, ardi eta ahüntzekin bereziki. Ez beitira aisa bizi han irabazten dütüenekin, ordezkari bat Europan gainti ibilten da aipatü edergailüen saltzen.
Entzün Tatapt kooperatibako ordezkaria :

Tatapt kooperatibak egin edergailü zonbait

: Soziala / Osagarrigintza; 2010 Maiatza 18; Agerraldiak: 2080

Alkartarzüna ikusgei

Afrikan, Kamerunen den Lokoti hiriarekin bada alkartarzün sare bat Xiberotik abiatzen dena, Les Chemins de Lokoti alkartearen bidez. Alkartearen aküilazalea De Gaye bedezia denez geroz, bereziki osagarrian dütüe afrikarrak lagüntzen (alkartearen aurkezpena heben klikatzez).
Egin düen lanaren bilan bat egin deigü Christian De Gaye bedeziak :

Eta ondoko urteentako xedeak plantatzen hasiko dira laster :

Alkarte horren berri üken badügü azken urte horietan, oraikoan ikusgei da, Mauleko Ondarearen etxean (turisma bülegoaren alde gainean) plantatü düen erakusketan. Audela, neskenegün hontan arrestiriko 5etan "Les aventures d'un container" deitü filma hedatüko dü alkarteak Maule Baitha zinema gelan.
Xehetarzün haboro alkartearen web günean, heben klikatzez.

: Soziala / Osagarrigintza; 2010 Apirila 09; Agerraldiak: 2089

Geroz eta jente haboro

Negüa badoan aldi oroz, Bihotzeko Ostatüetako lagüntzaileek Mauleko kaserna ohiko leküak hüsten dütüe Banque Alimentaire alkarteari lekükoa emaiteko. Urte oroz bezala, guretako bilanaren egiteko parada da. Lan mündüan ez bezala, Bihotzeko Ostatüetako 25 lagüntzaileek geroago eta lan haboro badüe. Negü hontako aste bakotxan 740 bat apairü eman dütüe, eta erran behar da, leküko saltegi handien eta Axuria kooperatibaren lagüngoari esker posible izan dela, jenteek eman janari güzia ahatze gabe.
Entzün Norbert Olagarai :

: Soziala / Osagarrigintza; 2010 Apirila 13; Agerraldiak: 2031

Zazpigerren CLEFEa abiatürik

CLEFEko ardüradünak Txotxa, Aida, Nahia, Alba, Izarra eta Bihar deitü ziren aitzineko urteetan emazteen emplegüa lagüntzea xede züen CLEFE xedeak. Düala 12 urte abiatü zen lehena eta orai artino egin bidean, 181 jenteen lagüntza üken düe, 27 enpresen sortzeko 77 000 euro prestatü düenak. Aitzineko CLEFEk eman düena erran deigü Martine Etxebarnek.
Entzün :

Güti gora behera, 13 000 euro bildürik izan dira CLEFE bakotxarentako, eta lagüntürik izan diren xede berriek 1 000 eta 5 000 euro artean üken dütüe. Abiatü berri den CLEFE berrian parte hartzeko (Giltza izenekoa), lagüntzaileek 30 euro ezarriko dütüe kütxan, hots 360 euro orotara. Teorian (orai artino hala izan da) sos hori ützülirik izanen zaie.
Entzün Martine Etxebarne :

Xehetarzün güziak Mission Localaren bülegoetan ükenen dütützüe.

: Soziala / Osagarrigintza; 2010 Martxoa 25; Agerraldiak: 2176

Lagüntza etxez-etxe

Ezkerrean Jean Marc Baratxegarrai eta esküinean Fantxoa Caset. Xenda alkarteak adinetakoak lagüntzeko zerbütxü bat antolatzen dü. Bolondresak 9 dira, adinetakoen etxeetara joaiten direnak. Beharren arabera ari dira, erran nahi beita zonbaitek komesioneka joan behar badüe lagüntzen dütüela... bena beste zonbaitek elestatzea baizik ez düe galtatzen. Hala da Jean Marc Baratxegarrai gamearrarentako. Bere arrebak proposatü zeion Xenda alkarteko lagüntzaile bat bere etxetik iragan zedin, eta erran deigünaz, laket da Fantxoa Casetekin elestatzeaz. Hamabost egünetarik behin joaiten zaio Gamererat, bena beste etxe zonbaitetan üxüago biltzen dira. Xendak 9 lagüntzaile dütü oraikoz gisa hortan ari direnak, bena erran gabe doa haboro izatea ez litzatekeala gaizki. Interesatüek Xenda deitü behar düe ondoko zenbakilat : 05 59 28 13 56.
Entzün Fantxoa Caset eta Jean Marc Baratxegarrai (alkarrizketa ürrentzean) :

Herrietako berriak

2009 Iraila 17Berriak

Sohüta-Hoki Maiatzaren 22ko berriak Marise Etchegoin Laborde-Laulhé Mixel Etxekoparren bertsetak 2017 02 20 : BasabürüaMaiatzaren 23ko berriakJeannot Etcheto PagolaMaiatz...

Crédit Agricoleren eskerrak Xiberotar zonbaiter

2013 Martxoa 13Ekonomia / Turismoa

Zortzi urtez Credit Agricoleko lehendakari izan ondoan, Albert Hastoyek bere leküa utzi deio lehendakari ordariari Juju Erbin Ürrüstoi-Larrabileko aüzapezari. Albert Hastoyek erama...

2010an Xahakoa pastorala Barkoxen

2009 Urria 17Kultura

Etxahun alkarteak biltzar nagusia egin dü ostiralean (ürrietaren 16) Barkoxen. Lehenik ikasurteko bildüma eginik izan da, bereziki aipatzez iragan negüan Barkoxek egin Maskarada et...

Eüskarari eskeini gaüaldia !

2023 Azaroa 29Kultura

Neskenegünean Pitxu gaztetxeak eta Prefosta alkarteak Eüskararen egünaren kari gaüaldi bat antolatzen düe Ozazeko Batzokian. 8etarik harat kontzertü Xiberoko trikitilariak, Kristo...

Xiberoan Iraultza txikien Akanpada antolatzeko proposamena lüzatürik !

2023 Azaroa 29Politika

ITA edo "Iraultza Txikien Akanpada" düala 6 urte sortü den xede bat da, Eüskal Herri mailakoa.2 urte oroz antolatürik da lürralde desberdin batetan leküko borrokak aitzinean jartek...

FDSEA laborantxa sindikatüak herri seinaleak kinperrezgoratü dütü

2023 Azaroa 29Laborantxa / Üngüramena

FDSEA laborantxa sindikatüak seinale kinberrezgoratzeak egin dütü.Biarnoan partikülarzki Paue edo Lescaren, bena Euskal herrian gerogo eta haboro Ezpeize ala orano Donapaleuko herr...