XÜXENEAN ENTZÜN

Politika

×

Abisua

JUser: :_load: Ezin izan da erabiltzailea kargatu ID honekin: 294

Jean-Jacques Lasserre, Mixel Arrantzet eta Pepela Mirandekin Ikusi düzüe azken denboretan web güne hontan eta entzün irratian, eskualdeetako haüteskundeen kanpaina hatsarre ofiziala beno lehen hasi dela. Alain Lamassouren zerrenda, NPA eta EAJ-PNB alderdien ondotik, Jean-Jacques Lasserre Atharratzen izan da iragan astean Jean Lassalle bürü düan zerrendaren aurkeztera. Eta sozialisten berri ere üken behar günüke aste hontan.
Orai arte bezala, abiadüra handiko trenbide xedeaz galto bat pausatü deiogü. Entzün Jean-Jacques Lasserren arrapostüa :


Eta hortarik landa, entzün frantses lürralde erreforma xedeaz eta kargü bat beno haboro ükeiteaz (departamentüa eta eskualdea) zer dion :

Ezker-esküin : Beñat Oteiza, Jean Teletxea, Txaro Goikolea eta Paco ArizmendiIragan ostiralean (barantailaren 19) Euskal Alderdi Jeltzaleak eskualdeko haüteskundeentako prestatü düan zerrenda aurkeztü dü Maulen. Euskadi Europan izena düan zerrendan, departamentü hontarik kanpo ere aurkeztü dütüe EAJko haütageiak, hala nola Gilles Choury xiberotarra besteak beste.
Kanpainan azpimarratü nahi düena, beren egitüraketa institüzional xedea da, hori beiteigüe haboroenik aipatü. Eskualdearen eta departamentüaren ahalmenak lütüzküan eüskal egitüra administratibo baten alde agertü dira. Beren erranetan, ez da aski informazione frantses lürralde egitüraketa xede berriaz horrekin konparatzeko, eta ez düe ere autonomia deitü nahi (entzün alkarrizketa).
Bestalde, Bateraren galtozkatze xedearekin bat egiten düe, bena hori ez da gaüza berria. Alderdiak düan ikuspegi originalena beharbada, abiadüra handiko trenbide xede berriaz da. Horren beharra badela erraiten badüe ere, ez dira ados egiteko manerarekin, eta parada güzien berriz ikertzea galtatzen düe.
Entzün Beñat Oteiza EAJko kidea, alkarrizketa orokorran :


Entzün Beñat Oteiza abiadüra handiko trenbide xede berriaz :

Ezkerretik esküinealat : Corinne Libeault, Philippe Lartigue, Pedro Carrasquedo eta Françoise Carrasquedo.Philippe Lartigue, Corinne Libeault eta Françoise Carrasquedo xiberotarrak alderdi antikapitalista berriaren (NPA) zerrendan dira eskualdeko haüteskundeentako. Alderdi berri horren ildoa argi da eta bere izenak ere ontsa agertzen dü. Maulen iragan astean egin aurkezpenean, bereziki bi ideia aipatürik izan dira. Batetik, zerbütxü püblikoen defentsa aipamen berezi batekin postarentako, salatzez herri hanitxetan sasi zerbütxü püblikoa baizik ez düela, agentzia bat ez beita, beren iritziz, hüilanik ere posta bülego bat. Beste aipamen bat üken züan ere Gamere-Zihigako eskolaren zerratze deliberoak, sinbolotik hürrünago joaitez, NPAko kideen ustez hortarik landa eskola hanitx zerratürik izanen beita Xiberoan, errentagarritarzünaren izenean.
Beste alde batetik, Eüskal Herriaren autodeterminazio eskübidea aldarrikatzen düela segürtatü züan Pedro Carrasquedo, alderdiaren xiberotar botzeramaleak. Ber ildotik, Bateraren proposamenarekin bat egin düela erran deigüe.
Entzün Philippe Lartigue :


Xehetarzün haboro alderiaren web günean, heben klikatzez.

Ezker-esküin : Jean-René Etxegarai, Mixel Berhokoirigoin, Joseph Montier eta Corinne LepageAtzo (barantailaren 18) Paueko auzitegian, aküsazioko abokatü nagusiak 2 000 euroko isüna eta izenaren debeküa galtatü dü Eüskal Herriko Laborantxa Ganbararen (EHLG) kontre. Baionako auzitegian iragan zen lehen auzian EHLG xuritütik izan bazen ere, prefetak dei egin zeion ordünko erabakiari eta atzoko auzian bi aipagei baziren : alkartearen izena bera eta bere eginkizüna. Bena auzian, bereziki izena eta bere frantsesezko ützülpena dira aipatürik izan. Gehitü beharko dügü azkenik EHLGren aldeko lekükoen artean xiberotar bat bazela, Jean Foirien, laborantxan plantatü zelarik alkartearen lagüntza üken züala erraiteko. Deliberoa maiatzaren 6an emanik izanen da.

Entzün Ttale Ouret artzaina :


Entzün Gerard Onesta, europar parlamentüko lehendakari-orde ohia :

Entzün Philippe Martin, Gers departamentüko kontseilü nagusiko lehendakaria :

Entzün Adolfo Muñoz, ELA sindikateko ordezkaria :

Entzün Mixel Etxebest, Mauleko aüzapeza :


Ikus auzitik landa filmatü dügünarekin egin bideoa :

{youtube}2OR8Qz1bbgw{/youtube}

Ostirale hontan (barantailaren 12) Alain Lamassoure UMPko haütetsia Sohütako ikastolalat agertü da bi egün lehen jakinaraztez jinen zela. Ez zen deüs ere hitzemaitera horra, bena bai kanpainaren baitan kasetalariak biltzera. Hiru galtoetaz bere iritzia jakin nahi izan dügü.
Eüskara
Eüskararen alde egin düan lana azpimarratü nahi izan dü, bereziki Eüskararen erakunde püblikoaren sortzea aipatzez. Hortaz gain, Europako hizkuntza gütitüen hitzarmenari etxekirik dela erran deigü, ez berriz eüskararen ofizialtarzünari (ez dü hain argiki erran bena alkarrizketa behatzen ahal düzüe heben pean.
Batera
Eskualdeetako haüteskundeekin batean, irratian jadanik aipatü dügün bezala, Baterak eüskal institüzio baten üngürüko galtozkatze bat antolatü dü. Hortaz bere iritzia zinez argi da, kontre agertzen da, bere ustez frantses lürralde antolaketa erreformak ekarriko beilüke leküko ezagüpen azkarrago bat (hori ere entzüngei alkarrizketan).
AHT
Lapurdin iraganen litzatekean Abiadüra Handiko Trenbideaz ere argiki erraiten dü alde dela. Oraiko trenbidearen moldatzeaz galtoa pausatü deiogülarik, ihardetsi dü trein hori tramway eta trein arteko zerbait bilakatüko dela, Baiona eta Donostia arteko lotüra gisa. Trenbide berria aldiz, beste argüdio zonbaitez gain, merkantzia bidetik trenbidealat iragaiteko manera hoberena dela segürtatü dü.
Entzün Alain Lamassoure (UMP) eüskararen üngürüan eta Bateraz mintzo :


Entzün Alain Lamassoure Abiadüra handiko trenbide xedeaz mintzo :

Ausaz

Kronika

Emankizüna

Artxiboan