“Inganamundo” izeneko emanaldia emanen da neskenegün huntan Maulen.
 Jean Mixel Bedaxagar-en ixtoria, ipuin eta zahar hitzetaz gozatzeko parada.
Ipuinen bidez besteak beste lanaz ariko da, lehen ostatüetan entzüten ziren ixtorioetan oinarritüz.
Etxebarren emanaldi bertsia egin züen barantailan, eta arrakasta üken züen, hartakoz horren arraegitera deliberatü düe.
Ixtorioetaz bestalde kantore zonbaiten behatzeko parada badate, Mixel Etxekopar eta Sacha Standen-en lagüntzarekin.
Hitzordüa neskenegün gaüan 7tan Mauleko Hebentikenean.
Jean Mixel Bedaxagar:

Müsikaren egünak bere egiatarau salatü dü !!! maiatzaren ondoko 13.14.15ean Urdinarben iraganen da urte oroz bezala.
 Nahiz eta gizaldi gazte batek jarraikia hartü, ber filosofian jarraikiko düe.
Hots ostiralean antzerki gaüaldia Chisteran, Neskenegünean Kantore gaüaldia herriko plazan eta Igantean hitz ordü nausia : 11etan ikusgarri, dantza musika ta bertso, oro nahasirik, 13tan axurki bazkaria eta 15tatik goiti kontzertüak ;
Egün osoan karrika müsikaz alageratüko düe 2 ‘fanfarek’: Old Scholl famili, ta “Minimun fanfare”
Egitarauaren xehetarzünak Bil xokoa elkarteko Dominika Jauregi eta Diddue Etxeberriekin :

Aintzindariak dantza alkarteak bere urteko bildüma egin dü bere biltza nausian.
 Hortan aintzineko urteaz bilan baikorra egin düe. Dantza ebilbideaz eta jauzien egünaz edo “Maskatrük” hegoaldeko dantza taldeekin trükaketak berritarzünak ziren.
Dagün urteko ere xede bat abiatzen 20.000 euroko sos kütxa bat plantan ezariko düe, dantza sorkuntza eta ikusgarrien builtarazteko.
Dagün elkaldia dagün igandean düe müsikaren egünean, igande goizan dantzak emanik izanen beidira.
Bestalde dantzari ttipi eginen da maiatzaren 29an Donibane Lohitzunen, hor ere Xiberoko hainbat taldek parte hartüko düe.
Xehetarzünak Aintzindariak alkarteko Otxanda Queheille eta Maiteja Accoceberry-ekin:

Uda hontan,  Atharratzeko herriak emanen dü pastorala  eta Jean Pitrau, herriko laborari sindikalistaren istoria kuntatüko da.
Mustrakak aitzina eramanik dira eta  afixa haitatürik izan da .
Anais Sagaspe ek dü afixa egin , Jean Pitrau en arra haurraren parte hartzearekin, Katti Etxebane ek marraztü düalarik  Jean Pitrau-en begitartea.
Pastoralaren lehen emanaldia  Atarratzeko arrabotüan,  uztaila 24 eta  agorrila 7an ; Otxagabian agorrila 15 an eta Parisen Chatelet antzokian setemearen 17an.
Anais Sagaspe afitxa egilea: