Esküz-eskü Seaskako Integrazio Batzordearen alde, Urdiñarbeko Bil Xoko alkarteak eta Ursurbildarrek, Sagardo aiharia antolatzen düe ürrietaren 29ean Urdiñarben. Düala 14 urte Xiberotar eta Gipuzkoaren arteko biazkatze hori egiten da eta baliagarri izan da algar ezagützaren egiteko. Usurbildarrak üsatü bezala ez dira eskü hütsik jinen, arrain sopa, bakalao eta txuletak ekarriko beitütüe eta aurten antzerkilari ere bilakatüko dira. Mahainala iragan aintzin, Usurbilen bortaz borta plantan ezari düen ondarkinen biltzeko sistemaz sketx bat eskentüko düe. Sagardo aihari honentako leküak etxekitzen ahal dira 05 59 28 17 57 telefona zenbakiala deitzez.

Entzün Jean-Jacques Etxeberri Llargo Bil Xokoko kidea :

Azia elkarteak bere ohizko « Xafaria » eginen dü ürrietaren 22ean, helbürüa delarik, Xiberotar gazteer beren probintziaren ezagütaraztea. Aurtenko lemak dira, üngüramena eta eüskara. Üngüramena sailaren hobeki ezagützeko, energia berriztagarietaz aditü den Philippe Meauren gana joanen dira eta Bernard Lougarot SIVOM sindikateko lehendakariaren gana. Eüskararen sailean aldiz, Jean-Louis Davant eüskalzaina ikusiko düe eta  Allande Soccaros, Herri Alkargoan Eüskararen  Batzordekoa dena. Bestalde, Azia alkarteak, “Xiberoan Eüskaraz Bai” hitzarmena ere bereganatü dü. Ürrats honen bidez, nahi dü bere alkartean eüskararen presentzia eta erabilpena handitü, beren kanpo dokümentüak elebidün eginez eta bilkürak eüskaraz eginez . Aziaren “ Xafaria" dela eta, ürrietaren 22an date neskenegünarekin. Parte hartzeko deitü behar da 05 59 28 67 62lara ürrietaren 21a aitzin.

Entzün Aurélie Thill eta Laurent Béguerie Azia alkarteko animazaleak :

Español errepüblikanoak, Euskal güdariak, Aleman judioak ala “eznahigarriak”, 1939tik 1944ala Gurseko akanpamentütik iragan diren 60000 jenteen omenez, 27 zutabez osatürik oritarri bat estrenatürik izan da ürrietaren 23an Gurseko akanpamentüan. Gurs akanpamentüko Batarzünako adixkideak, memoria güziak bateratü nahi izan dütü oritarri horren bidez. Denak ber maneraz nahi izan dütü omentü eta bereziki Historian ahatzerik izan direnak. Egünko egünean, Gursetik iragan diren 60000 jenteetarik, baizik 12000 jenteen izenak ezagütürik dira.

Entzün Josu Txueka Eüskal Ünibersitateko erakaslea :

Mendiz Mendi korala botzik agertzen da 2011ko urteaz, salbü kantari eskaza badela. Iragan urtean sorarazi züen « Missa Creoli eta Navidad nuestra » lanekin gozatü dira Mendiz Mendikoak. Basabürü eta Ibar Esküineko elizetan egin rezitalen bidez, lan arrahein bat egin ahal izan düe eta berek deioienaz, abesbatzako botzen kalitatea hobetü da. 2012 urtearentako ere, lan gotorrik badükee egiteko. Aldi hontan, beste sortze lan bati dira paratüko, "Magnifikat" bat da, 90ko obra garaikide bat. Mendiz mendi koralari, beste bi koralak jüntatüko dira bai eta Paueko amatürren orkeztra klasikoa ere. Orotarat, 100 kantari eta 40 müsikalari beharrezkoak dira lan honentako. Bestalde, Basabürüan elizaz eliza ebili ziren bezala, 2012ean Pettarrekoetan dira kantüz ariko Mendiz Mendikoak. Arte hortan, mustrakan ariko dira asteartez Alozeko haurzaintegian eta kantari berriak xerkatzen dütü alkarteak, jakitez müsikaren erakurtea ez dela beharrezkoa.

Entzün Félix Laxague Mendiz Mendi alkarteko bürüa :