Previous Next

Haurren karroza edo puzetaz gain, oihalen bidez haurrak etxekitzen ahal dira sortzetik. Aspaldiko üjantsa bada ere, teknika eta materiala desberdinen  ezagützeko, Maylis Montauzé-k ikastaldiak proposatzen dütü etxez etxe kurritzez.

Ikastaldi horiek bakarka edo taldeka egiten ahal dira, eta aitak ere hunki jinik dira ere bai.

Haurra sortü beno lehen  kantatzeak erditzea eta haurrarekin harremana azkartzen dütiala esplikatü deikü Maylis-ek. Botzarekin lotzeko parada eskeintzen dü aitetama küriosentako.

Eta azkenik, esperantxetan diren amentako eta sortü berri diren ñeñerentako, Indiako mazajeak proposatzen dütü.

Xehetarzünak oro  https://www.maylispartageaccompagnementautourdelanaissance.fr/ webgünearen bidez biltzen ahal dira.

Maylis Montauzé :

Previous Next

Neskenegünean Champo lizeo profesionalak eta Sohütako lizeoak haien bortak zabaltzen dütüe !

Azken bi urtetan covidagatik ez zütüen egin. Goizanko 9onetarik goiti kolegioko ikasleek eta aitetamek erakasleekin mintzatzen ahalko dira.

Champo lizeoa mekanikan espezializaturik da. Thomas Lecoeur erakasleak lizeoa presentatü deikü :

Previous Next

Heltübada ikusi düzüe Instagram edo Twitter-en « Bederazka » izeneko kuntü edo orrialdea.

Aste oroz 2 edo 3 xiberotar hitz argitaratürik dira, erranaldia adibide batekin eta ützülpenekin frantsesez eta batuaz.

Dylan Inglis Xiberoko inglesak dü "bederazka" xedea aitzina eramaiten, lagüntzaile zonbaitekilan.

Xedea xiberotarra ikasteko tresna berri baten eskeintzea da. "Bederazka"k arrakasta balin badü Instagram eta twitter sare sozialetan, aste hontan facebook orrialdea düzüe deskubritzen ahalko.

Familien yoga kurtsoak proposatzen dütü Marion Cazenavek !

Xübükota Mauleko haurzaintegian lan egin ondotik, Marion Cazenavek haur eta aitetamen arteko yogaren erakasten hasi da.

2 hilabete eta 6 urte arteko haurrak manera hortan aitetamekin memento goxo bat parte zezake, jokü eta korpitzaren lantzez. Alkar bizitza indartzen dela azpimarratzen dü Marion Cazenavek.

Kurtsoak Larzabalen, Arrosako « Ayana »zentroan eta Donapaleüko « Aqua santé » günean  proposatzen dütü.

Bere aktibitatea presentatü deikü:

Xehetarzünak oro Marion Cazenaveren facebook ostoan atzamanen dütüzüe