XÜXENEAN ENTZÜN

Ekonomia - Turismoa

Xiberoan, Herri alkargoak ondarkinen biltzeko sistema kanbiatüko dü 2015ean eta ordainketa, legeak behartzen düan bezala, aküilagarri zerga baten bidez eginen da, hots pizüaren areberako ordainketa. Neskenegünean Atarratzen, ondarkinen biltzeko sistemaren haütatzeko biltzar monografikoa egin züan alkargoak, bena erabakitzeko haütetsien kopürüa ez beitzen, ez da deliberorik hartürik izan. Haatik hiru proposamen aztertürik izan ziren. Oro biltzea nahizko ekarpenean edo oro biltzea etxez etxez edo bien arteko üztartzea. Herri alkargoako ordezkariak berriz bildüko dira urtarrilan erabaki baten hartzeko.
Roger Borthelle Gotaineko ordezkaria :

Bitrikien biltzeko moldea kanbiatüz geroztik argi da denek ez dügüla orano ontsa entelegatü zer egin behar den eta bereziki zer ez den egin behar. Hortarako Bil ta Garbi sindikatak eta Xiberoa Herri alkargoak sensibilizatze kanpaña antolatzen düe, bitrikien nola bereizi behar diren oritarazteko. Xibero orotan, bitrikien biltzeko ehün bat ontzi berri banatütik izan dira eta orano kexa horietan edo zikin ontzietan bitrikiak atzamaiten dira. Frantzian urtean berrogei kilo bitreki jentekal berziklatzen dira, Xiberoan hogeitahamabost kilo baizik ez direlarik bereizten. Bada beraz hobetzeko sail hortan.
Maite Davant Bil ta Garbiko animatzailea :

Artxiboko argazkiaEmazte enpresa sortzaileen lagüntzeko "Argia" 8. CLEF-a abiatürik da Xiberoan. 2014-ean ahal bezainbat sos bildü nahi da. 360€ prestatzen dira eta 5 urteren bürüko ützülirik dirateke. Parte hartzea aldi batez emaiten ahal da edo hilabete oroz 30€ko biramentüa eginez. Züek ere Xiberoan instalatü nahi diren emazteen lagüntzeko prest baldin bazide, Monique Pribat-ekin harremanetan sar zitaie Mauleko Zerbütxü güneala deitzez (0559287879). Azken 20 urteetan, 33 xede lagüntürik izan ziren. 96000€ prestatürik izan ziren, eta 38 enplegü sortürik izan ziren. 7. CLEF-arekin Hordago saltegia, Drop Goal ostatüa, eta Plubliona enpresaren arrahartzea lagüntürik izan ziren.
Martine Etxebarne :

Bildozeko  EMAC enpresak, Akitaniako beste bost enpresekin batean, Enpresen Jentartearekiko Ardüra edo RSE delakoaren saria jaso dü. Sari horren bidez ezagützen dira, langileen ongi izaite eta lan baldintzen mailan, üngüramenaren eta ekonomia sailetan enpresak egin dütüan eginahalak. Bide hortan jarraikitzeko asmoa düe EMAC enpresako ardüradünek, eta laster herots mailan ikerlan bat eginaraziko düe.
Didier Chaufaille Emac enpresako ardüradüna :

Xiberoan, berriki gertatü den Ahüzkiko hotelaren orozbateko zerratzeak, ostalaritzak ezagützen düan krisia gogoala ekartzen deikü berriz ere. Azken 10 urteetan hameka hotela zerratü dira Xiberoan, gehienak Mauleko kantonamentüan. Üsü, normetan izaiteko egin behar diren lanek, sobera kostatzen beitdüelako zerratzen badira, ez da arrazoin bakarra. Azken urteetan, segür ere ez da aski erregülarki inbestitü, eta galtoa eskasegia eta sobera bildürik da üdan inbestizamentü haundien justifikatzeko. Zailtarzün haundia da ere bestalde hotelen transmizioan. 
Yannick Levade Herri alkargoako teknikalaria :

Ausaz

Kronika

Emankizüna

Artxiboan