Mauleko ihauteriak arrakasta ederra üken dü. Zelüan odeiak hor baziren ere ateri egin dü eta horrek jentearen hüilanaraztea aisatü dü. Karro ederrak agertü dira eta jente haboroena ederki maskatürik zen. Arrestiriko 3etan ihauteriaren ibilaldia abiatü da Mauleko geltokitik eta adinetakoen etxean arrestiri askaria hartü ondoan Maule gaineala joan dira Zanpantzaren epaitzera. Ondotik gaüan, Mauleko-Gaineko merkatü tapatüan berrehün bat jente bildü da algarrekin aihariteko. Dagün urteko, alkarte habororen hüilanaraztea esperantxa düe antolazaleek.

Entzün lekükotarzün andana bat :

Denbora eder lagün, jenteak ehünka jinik ziren Basabürüko ihauterietan parte hartzeko. Haur, gazte ala adinetako jente hüilantü ziren Atarratzeko plazala bestaren gozatzeko. Haboroxenak maskatürik edo sogile bezala jinik, orok gozatü dira zen giroaz eta animazioneaz. Txanbelariak, gaiteroak, trikititxak, txarrangak, joaldünak, tabala joileak orok jüntatürik ziren bazterren harroarazteko. Ihauteria izatez, mezü zonbait ere igaranazirik izan dira Aurore Martin-i bürüz. Bena, iganteko egünaldia goxo izan bada ere, gaüaren kursean gaüzak okertüz joan dira. Antolatzaileek egin zütüen bürü handiak eta egürrezko behi bat hautserik izan dira arrazurik gabe. Horrez gain, jenteen arteko aharrak franko izan dira. Üsü kanpotik horra diren gazteer emaiten bada ogena, antolatzaileek basabürütarrak zirela baieztatzen eta azpimarratzen düe.

Entzün parte harzale zonbaiten ikusmoldeak :

Gogoz eta bihotzez ! Hona nola lanean ari diren larraintarrak aurtenko Monzon pastoralaren prestatzen. Kargüen partekatzea eginik izan da martxo hatsarre hontan. Ez dütügü kargü güziak aipatzen ahal, bena entrada eginen düana Etchebarneko Arnaud Jonnet izanen da. Süjetaren kargüa, bi gizonek hartüko düe, Telesforo de Monzon gazterik Ximun Accoçeberry-k eginen dü, Monzon zaharragoa Bentaberreko Dominika Urruty izanen delarik. Monzonen emaztea zen Maria Josefaren kargüan berriz, ezagün düen bi larraintarsa gazte izanen dira : gazterik, Maiteja Acoçeberry eta ondotik Nadine Elgoyhen. Azken honek eginen düalarik ere pastoraleko sortida Martine Iriartekin.

Entzün Jean-Pierre Recalt Althabe pastoral errejenta :

Xiberoa Zinez xede berriaren presentazionea egin da barantailaren 5an Hebentik alkartearen egoitzan Maulen. Antzerkia, müsika, dantza, margolaritzatik landa, Hebentik alkartea zinemaren arteari plantatzen da orai, beti ber haritik doan xede baten egitera, barna bezain xüme. Horren karietara, xiberotarrezko lehen fikziozko filmaren xedea aitzinatü dü Peio Cachenaut asmazaleak. Üda hontan eginen da filma Maule eta üngürüetan, historian bermatüko da. Filma horrek, Xiberoa erakutsiko eta entzünaraziko dü, xiberotar andana baten parte hartzearekin : Peio Cachenaut (Züzendaria), Jef Goyhenexpe eta Titika Rekalt (kargü nausiak), Jérémie Garat eta Mixel Etxekopar (müsika), Pierre Vissler (soinü hartzea), Gonzalo Etxebarria (apaindüra), Arnaud Agergaray (story board)…

Entzün Peio Cachenaut filma asmazalea :