Iragan üdan Barkoxen filmatürik izan den « Jour de Pastorale » dokümentala lehentze hedatürik date ostiralean, maiatzaren 6an 21etan Barkoxeko elizan. Jean-Philippe Clarac eta Olivier Deloeuil antzerki züzendariak dira filmaren idazleak eta egileak. « Xahakoa » pastorala aitzin eta lehen emanaldiaren denboran hartürik irudiekin eta egin elkarrizketekin osatürik da 52 minütako dokümental hori. Pastorala zer den eta bereziki herri bat nola bizi den pastoralaren erritmoan erakusten dü « Jour de Pastorale » dokümentala horrek. Filmaren egileekin mintzatzen ahalko da maiatzaren 6an lehen hedapen hortan, bestelan maiatzaren 14ean 15.25etan hedatüko da France 3 telebixta katean.

Entzün Jean-Philippe Clarac "Jour de pastorale" dokümentalaren egilea :

Negüa ürrentü berri, eta badakigü jadanik nork emanen dütüan 2012ko maskaradak. Gamere-Zihigako gazteak dira dagün urtean plazaz plaza kurritüko. 30 bat gazte bildü dira xedea aitzina eraman nahian. Dantzariak neskenegünez biltzen hasi badira, kargü zatikatzea eta mustrakak berantago hasiko dira. Aldi hontan, Gamearrak aski goizik plantatü dira, düala 10 bat urte maskaradak eman zütüelarik beste herri batek maskaradak eman zütielako eta ez beitüe ber experientzia arrabizitü nahi.

Entzün Mathieu Tauzin Gamere-Zihigako gaztea :

Roger Idiart zena omentüko da Xiberoa Kantüz kantaldian apirilaren 30ean Maulen. 1968an heltü zen Xiberoala, Zalgize eta Iruriko apez egon zen urte andana batez. Kantore ezagün franko ützi deizkü, bai eta ere bi pastoral, Xalbador eta Etxahun Iruri pastoralak. Xiberoko Zohardia, Xiberoko Jauna pastoralako kantari taldea, Pagolar gazteak, Ürtxaintxak, Xiberotarrak, Mixel Arotze, Altzükütarrak, Ortzadar taldea, Pagolako Erresiñulak, Pier-Pol Berzaitz eta Ibañeta pastoralako kantari taldea agertüko dira taulen gainen Roger Idiartek idatzitako kantoreen emaiteko. Xiberoa Kantüz 17. Kantaldia apirilaren 30ean gaüko 21etan Mauleko Jaï-alaian iraganen da.

Entzün Jean-Pierre Béhocaray Xiberoko-Zohardiko antolazale bat :

Aurtenko 22 gerren Xiru festibalak hiru egün iraün dü Gotaine-Irabarnen. Ostiralearekin hasi da Altzürüküko elizan kantaldi-müsikaldi gaüaldi batekin. Gaüaldi hunkigarria izan da Philippe Ezkürra, Beñat Achiary eta Georgiar kantarier esker. Neskenegün gaüan aldiz, "Txakoste" Gaüaldian memento azkarrak ere izan dira sorkuntza, trükatze sailan aktür eta kültür kürütxatze arte hortan. Eta igandean Gotaineko plazan, "No Future"  Xiberoko klunaren ikusgarria ikusi da, Pierre Visleer sorkuntza bat. Ondotik, igande arrestiritan Gotaineko plazan, jenteak saldoan bibilkatü dira, "Maskar" ikusgarria soegiteko. Ander Lipus, Markiñako Abarka taldeak eta Pariseko Par-Alleles Hip Hop taldeak maskarada gisako ikusgarria eskentü düe. Muda berriko maskarada hori arrakasta ederrak bildü dü eta Xiru festibala giro hoberenean ürrentü da soinü eta dantzarekin.

Entzün Michel Etxekopar Xiru festibaleko antolazalea :