Negüko aroak nekeziak ekarri badutü ere, sasoina hainbat hona izan da Iratiko elür günean. Etxolen alokaidatzea hein honekoa izan da. Elür aktibitateetan aldiz gaüzak kanbiatzen ari dira. Iraupen eskia ez dü leheneko arrakasta, orai erraketak gero eta haboro erabilten dira, oihanetan ebiltzeko. Jente gehienak Euskal kostatik horra dira, leküko jenteak ere urte oroz agertzen dira eta Akitania osotik ere hüilantzen dira. Üda hontako sasoina prestatzen ari dira orai eta perspektiba honak dira jadanik. Berritarzünen aldetik, elektrikaz lagüntütik bizikleten alokaidatzea proposatüko da, familian ebiltzeko lüzetarzün ezbardinetako hiru ebilte egiten ahalko dira, bazter ederretan.
Josie Arrosagarai züzendaria :

Xiberoko hamar gazte Hegoaldealat, eta bost Hegoaldiar Xiberoalat, hau da Azia elkarteak eta ODACE, Xiberoaren ekonomiaz ardüratzen den egitürak bidealatü nahi düen ürratsa. Ürrats honek gazteeri, enpresa batetan egokia zaüen formakuntza profesional baten eskeintzea badü helbürü, mügaz bi aldeetako alkar ezagütza ere dü gogoan.
J.Pelle Iriart, Frantxina Laborde, Beñat Elkegarai :

Irakurri gehiago ...

Eüskararen presentzia eta erabilpena, teknologia berriak bezala, kontütan hartzeko nahiküntea erakusten düe Xiberoko komerxantek, geroago eta haboro. Hortarako Euskararen Erakunde Püblikoako teknikalaria kümitatü züen berriki egin zen Xiberoko ofiziale eta komerxanten batarzünaren biltzar nausian, erakunde püblikoak ekartzen ahal düan lagüngoaren esplikatzeko. Euskoa, Euskal monetaren erabilpenaren garapena ere begi honez ikusten düela ere azpimarratürik izan zen biltzarrean. 2014. urteaz bilan baikorra egin zen eta 2015a hontako bi animazione berezi antolatzeko asmüa düe, lehena, üztailan Xiberoan iraganen den Frantziako ützülüari lotüa eta bigarrena braderia modükoa, grane hüste batekin alkartürik.

Aurelie Lartigue alkarteko presidenta :

Elür franko egin dü aste bürü hontan Euskal Herri orotan eta Xiberoan ere bereziki Basabürüan. San Martiko Harrian ehün ta berogei ta hamar auto lagüntürik izan dira igantean lerragünetik jausteko. Santa Grazi eta Larrainen, Xiberoko bi herri gorenetan ere elürrak bere ondorioak ekarri dütü. Astelehen goiz hontan eskolak zerratürik dira. Xiberoko Botzean azken berriak bildü dütügü herri ezbardinetan dütugün berri emaileeri esker.
Marc Bengoechea Larraineko aüzapeza :