Interface alkartearen borta zabalak ziren neskenegünean Maulen. Parada hortan, aspalditik lanik gabe lagüntzen dütüan alkarteak bere langileen azken lana presentatü eta aitzinean ezari nahi züan: kartuzko mübleak.
Kaxeta, kaidera, mahain, denetarik edireiten ahal zen beren egoitzan.
Helbürüa prefosta sos aminibaten biltzera alkartearen biziazteko, formazaile eta langileen pakatzeko.
Erran behar da beren aktibitate nausia dela hargingoan edo etxegintzan, bena krisia dela eta, herrien süstengia eta ondorioz xantierak, zinez apürtzen ari dira.
Hartakoz eta emazteer lan eskaintza baten proposatzeko kartuzko müble txipien ideia abiatü düe.
Hütx egin badüzüe orano ordü da beren web günealat hüllantzeko egüberri gabe.
Luisa Berrogain:

Dagün 6 urteentako bülegoa finkatü edo arraberritü dü Pettarreko arrantzükarien alkarteak. Presentatü direnak oro haütatü edo honartürik izan dira.
Kanbiamen handiena da Sylvain Challa ez dela haboro trésorier edo diharrüzaina. Hots Pierre Etxekopar lehendakari batzen da, Marcel Garispe lehendakari orde,  Jean Pierre Ramonet dirüzain, eta Auguste Jimenez idazkari.
259 kide dira orano, hots galtze güti arrantzale heinearen aldetik.
Arrain heina ere ez dela apaltzen, a-kontrai, jakin behar da Pierre Etchecoparen arabera biologia heinean Uhaitza izigarri aberats dela, Frantzia osoan erreka aberatsenetarik bat. Halere erreka bazterren xahatzeko beharra bada, arrainek hori beitüe gozatzen.

Dagün barantailan Pettarreko arrantza alkarteak beste bilküra bat eginen dü. Kide diren arrantzaleek ordüan dütüe beren xedeak zinez finkatüko, bena maneala, lan nausiak dirateke haurren sentsibilizatzea eta hur bazterren xahatzea. Pierre etxekopar alkarte bürüak biltzar nausiaren berri eman deikü, bestalde paradaz baliatü gira arrantzükaren berri hartzeko:

Euskal informatika enpresa berri bat bada Maulen, ürrietaz geroz. Donibane Garazin lehen saltegi bat zabaldü ondoan, Euskal Informatikak bigerren bat zabaldü dü Maulen. Beren xedetarik bat da barnekaldean lan egitera eta bizitzea. Eta barnekaldean izanki, zerbütxüa fite ekarten düe; egünean bertan enpresentako eta egün bat edo bi egün barne haboxienetik pribatüentako.
Konpontze  edo ordaintze horietaz bestalde, material saltzen düe, instalazioneak egiten edo arraberritzen, bai eta ere mantenimentü eta beste.
Horrentako 4 teknikalari dira, xiberotar bat badelarik horietan.
Beren saltegia Maulen Victor Hugo karrikan edireiten ahal da.
Daniel Mioura enpresa bürüarekin enpresaren ezagütza egin dügü:

Baionako komerzial kanberak antolatürik, lantegietan energia sailan, ekonomien egiteko xedearekin, Maulen,  informazio goizaldi bat izan da atzo industrial eta ofizialeentako.
Ondorioz kitorik izanen den diagnostik edo ikerketak eginen düetüe entrepresetan;
Enpresetan ekonomiak egiten ahal dira, prefosta argi indarrean bena ere bekaniketan, baliatzen diren motür-etan edo ere hotza eta beroa egiten den tresnerian.
Hots, biltzarran erranik izan da beharrezkoa dela lehenik ikerketa hon baten egitea,  interesatürik diren enpresa eta ofizialek xehetarzünak galtegin behar dütüe, herri alkargoan edo Odace-en.
Bertrand D'hulst: