XÜXENEAN ENTZÜN

Ekonomia

« Aupa » izeneko enpresa berriak bere aktibitatea hasiko dü Maulen dagün maiatz erdisütan. Hilabete ondarrean zerratüko den ISPAC lantegiko mekanika lankian plantatüko da eta ISPAC lantegiko Paskal Bidartek dü soraraziko. Sükaldaritzan baliatzen diren olio zaharren biltzea da enpresaren xedea, bio-erregai ekoizleer gero saltzeko. Ondoko egünetan, olio zaharren biltzeko Kostaldeko kolektibitateetan, hitzarmen baten izenpetzea esperantxa dü Paxkal Bidartek. Hatsarrean, bera hasiko da enpresan eta aski fite langile bat edo besteen hartzea asmüa dü. Emeki emeki, Ispac lantegiaren berantolatzea hasiko da eta jakin dügünaz beste xede zonbait gogoetatzen hasi dira, bena goizegi da orano horren aipatzeko.

Entzün Paxkal Bidart "Aupa" enpresako sorarazlea :

Xiberoko Hur Botingoak odi berrien ezarten edo kanbiatzen aitzina jarraikitzen dü." Blutop" izeneko odiak baliatzen düe, merkatüan elki berri den odi berri bat. Egün horietan, Idauze Mendin kilometra erdiko Blutop 75a lürperatzen düe. "Blutop"aren kalitatea, bürdüin-inkazdünaren ber kalitatea da salbü arinago eta merkeago dela. PVC izeneko odier konparatüz karioago da bena azkarrago. Arraberritze lan horientako Xiberoko Hur Botingoa % 30az lagüntürik da Kontseilü Orokorretik.

Entzün Vincent Thomas "Blutop" hur odien saltzalea :

Mauleko ISPAC lantegia martxoa ondarrean zerratüko da ! Berri txarra baieztatü deikü ISPAC lantegiaren jabea den ATEMAX enpresako Surles jaun lehendakariak. Bada 16 urte ISPAC enpresak txakür eta gatüentako janaria ekoizten düala Xiberoan.
Bertan ari diren 8 langileek kanporatze gütüna errezibitü düe eta ATEMAX taldea langileen bersailkatzea hitzartü da. Orai, leküko haütetsüak ISPAC lantegian beste aktibitate baten ekarteko lanean ari dira eta ATEMAX enpresa lantegiaren saltzeko prest agertzen da.
Entzün Surles jauna lantegiaren jabea :

Txosten nahasi bat Mauleko Komerxanten Batarzünarentako. Saltzaleen Batarzünak urtean dütüan bi hitzordü nausien txostena presentatü dü bere biltzar nausian eta ezbardintarzünak azpimarratü. Lehenik, bedatsian egiten düan operazioneak ez dütüala nahi bezain komerxant biltzen aipatürik izan da, eta bestalde, botzik agertzen da egüberriko operazioneak geroago eta salerosle haboro biltzen beitütü. Azkenik, Xiberoan Eüskaraz Bai alkarteak eraman düan kanpaina baikorki ikusirik izanen dela gehitürik izan da.
Entzün Mauleko Saltzaleen Batarzünako Jean-Bernard Pérez :

Xiberoan bizitzeko, nahikünte adibide berri bat Maulen ! “Xiberoa Mécanique Service” enpresa berria leheneko GEMA lantegian plantatü da eta urte hatsarreaz geroz lanean hasi da. Georges Corté Garindaintarra eta Fréderik Cassaing Sohütarra jüntatü dira xede horren abiarazteko. Partikülarentako ala enpresentako bürdüinajea lantzen düe, bürdüin-kihillak ala bürdüin-zerrailüak egitez, besteak beste. Bena indüstrialentako ere, tresnerien entretenioa eginen düe. Elkar enpresarekin hüilanetik lan eginen düe eta Elkarek asmatütako tresnak eraikiko dütüe.

Entzün Frédéric Cassaing Xiberoa Mécaniqie Service sorarazlea :

Ausaz

Kronika

Emankizüna

Artxiboan