XÜXENEAN ENTZÜN

Ekonomia - Turismoa

Bildozeko Idiart segagiako züzendaritzak bederatzü langile kanporatüko dütü bi hilabeteko "préavis" delakoa eman ondoan. Zurraren indüstria ere hunkitzen dü ekonomiaren kinka gaitzak. Haatik ogendüna ez da Landesetako pinoak egotxi zütüan tenpesta, zeren eta Bildozeko segagian haritzez eta egür exotikoez egiten dütüe bürdinbideetako zeiharkak besteak beste.

Argibideak eman deizkü Idiartenean CGTko ordezkari den Alain Ordunak :


Asteazken hontan (azaroaren 25), kanporaketak formalizatü aitzineko alkarrizketak eginen dütü züzendaritzak langileekin. Erran deigüenaz, enpresan azkenik sartü direnak dira lehenik kanporatürik izanen. Alain Ordunak berriz, ordezkari sindikalista gisa beste gisako elkibide bat proposatzen dü : adinekoekin elestatüko da galtatzeko ez düenez beren ogüz joan nahi, leküa gazteagoer üzteko.
Entzün Alain Orduna :

Agerria erosiko dü EPFLak (Etablissement Public Foncier Local). Hala deliberatürik izan dela jakin da Agerria erosteko antolatü den bigerren biltzar püblikoan, Maulen. Société d'Economie Mixte edo sos üturri pübliko eta pribatüak alkartzen dütüan egitüraren kapitala 400 000 eurokoa izanen da orotara. Herriko Etxeak gehiengoa ezarriko dü, hots erdia eta zerbait haboro. Ondarra berriz, herritarren akzioekin pagatüko da. Aski jente biltzen bada 500 euroko akzioen erosteko prest litzatekeana, hala eginen da, eta bestela 1 000 euro pagatüko lüküen jente gütiagorekin eginen da. Abentüan berriz biltzekoak dira interesatürik diren güziak, akzioen prezioen eta oro har xedearen aitzinarazteko.
Azkenik, erran dezagün Agerrian zer egin ez beita orano deliberatürik, alkarte sortü-berri batek bere xedea aurkeztü düala. Alzheimer eritarzünak etxekoengan düan pezüa arintü nahian, egünean zehar eriak Agerrian etxekitzea proposatüko lüküe alkarteko kideek.
Akzioen prezioaz entzün Mixel Etxebest Mauleko aüzapezak erran deigüna :

Azia alkarteak bostgerren CLEJa (comité local d'épargne pour les jeunes) sortü dü iragan ostiralean, Ospitalepean antolatü züan biltzar nagusian. Hirugerren eta laugerren CLEJen bilana egin düe hatsarre batean, eta ondotik erran bezala bosgerrena abiarazi. Xehetarzünak eman deizkü, Aurélie Thill, AZIA alkarteko langileak.
Entzün Aurélie Thill :


Euskaldun gazteria alkartea ere hor zen, Baxenafarroan ere gisa hortako xede bat sortü nahi beitüe, xiberotarren adibidea jarraikitzez. Patxi Oillarburu Euskaldun Gazteriako permanentearekin mintzatü gira.
Entzün Patxi Oillarburu :

Clej berri hortan nahi badüzüe parte hartü, deit 05 59 28 67 62 edo Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidealat mezü bat idatz.

 

Hemen alkarteak biltzar nagusia Mauleko herriko etxean egin dü iragan astean. Ekimen berria plazaratü düe alkarteko kideek, zoinetan jenteen parte hartzea galtegiten düen. Web güne batek dü eskeintzen horrentako leküa, eta zehazki erranik, wiki batek. Wiki bat zer den bi hitzez argitzeko, interneten atzamaiten den arbel gisako zerbait da, zoinetan nornahik bere oharrak ezarten ahal dütüan. Gisa hortan, aipagei ezberdinetaz bakotxak bere iritzia idazten ahalko dü. Helbidea hau da (klika) : http://wiki.hemen-herrikoa.org
Web güne hortan jorratüko diren geiak Hemen alkarteak dütü proposatzen ; kostaldea eta barnekaldearen arteko "beharrezko harremanak" edo abiadüra handiko treina eta jadanik badiren trenbideak adibidez. Xiberoko geiak ere eztabaidagei dira Hemenen baitan. Batetik, Larraiñeko aspaldiko xede bat : ahalmen ürriko jenteer batzarri egiteko günearena. Mauleko Agerria apezetxe ohiaz zer egin erraiten ahalko düzüe ere delako wiki hortan. Entzün René Harlouchet, Hemen alkarteko lehendakaria :

Ezpeizen, bide bazterrean ikusten ahal da hegatz hau (peko argazkia). Egia da geroago eta haboro direla beren etxeetan ekiaren energia biltzeko taulak ezarten dütüenak, bena Jamboué enpresaren hegatza harrigarri da. 300 metra karratü dira orotara, ekiari so ezarririk izan direnak.
Pentsatzen ahal da Hugues Jambouéren ideia ausarta dela, eta konzientzia ekolojikoak piztürik jin zaiola... Funtsean egia da, bena bada besterik. Urtean, 36 000 kilowat ekoiztüko dütü hegatz berri horrekin, hots güti-gora-behera, 17 etxek urte osoan behar düen doia. Eta energia hori, EDFi saldürik izanen zaio prezio interesgarrian. Horrekin aski ez balitz, laster 700 metra karratü haboro plantan ezarriko dütü Jamboué enpresan.
Hugues Jambouéren hitzak entzün :


Artikülü honek parada emaiten deikü bestalde Herri Alkargoak antolatzen düan energia berriztagarrien erakustaldiaren berri emaiteko. Aurten, laugerren aldiz, Mauleko Jai-Alaian iraganen da azaroaren 6, 7 eta 8an. Berantago ere parada ükenen dügü horren aipatzeko.