XÜXENEAN ENTZÜN

Laborantxa - Üngüramena

Erlezain eta laborarien arteko kürütxatzeak eginik izan dira !

Erran behar da bi ofizioak üsü kürütxatzen direla egünoroztako lanetan eta harremana ez dela beti aisa. Jakin behar da harrez edo belar gaixtoetarik janik direlarik, tratamentü ximikoa düela elkibidea laborariek, eta horrek erleak xüxenka hunkitzen dütüala. 40 urtez eztiaren ekoizpena zinez apürtü da, 40 000 tonatik 12 000 tonarat igan beita, düala 40 urte beno ekoizle haboro badelarik… Laborari bat :


Jean Bedecarats erlezaina :

Ürzoak geroago eta berantago horra dira!

Sasu betea geroago eta haboro azarorat lerratzen ari da. Ontsa abiatü bazen, hego haizearengatik ürzoak goxoki baratzen dira Dordogna altexean, asetzen. Atzo, asteazkenean haize üngüratzeak freskotarzüna ekarri dü berekin, bena odeiak hor izanki urzoak ezin izan dira mendien aldegainetik igan. Egün, ostegünetik aitzina haatik fresko egiteaz gain, odeiak joan behar lirate eta ordüan bai ürzo pasaje ejerrik izan behar lizate. Peio Jaureguy :

25 bat pertsona sagar mota desbardinen txestatzeko

Xiberoko Sagartzea alkarteak, Atarratzeko Prefosta alkartearekin sagar mota zaharren txestatzeko hitzordü bat eskaini dü astebürü hontan Mauleko Agerrian. Düala urte zonbait abiatü zirelarik 8 baizik ez baziren interesatürik, aldi hontan 25 hüllantü dira. Bakotxak zoin sagar gustüko düan ikusirik, dagün ikastaldian ikasiko düe nola enpeltatü edo txertatü. Ximun Uthurralt joan zaikü parte harzaleen üngürüaren egitea :

ELB-ren besta igante hontan Altzain

Eüskal Laborarien Batarzünak bere besta dü igante hontan Altzain. Urte aberats bat üken ondotik, izan departamentüko kanberaren haüteskunde, ahateen auzia edo ere hartzaren kontrako jüntak. Urtez urte eskualdez eskualde ebilten beita, aurten Xiberoan ospatü beharra da jünta. 11etan züntzür bustatze Hitzartze Bazkaria, leküko mozkinekin (prefosta) Bazkariarentako izena emaiteko deit 06.15.96.08.04 Bettan Hoquy eta Benoit Tauzin :

Axuriak bere biltzar nausia egin dü

Xiberoko Axuria kooperatibak urteko bilan hona presentatü dü biltzar nausian ; lehen urtea iragan düe egoitza berrian eta düda zonbait balinbazüen urte hatsarrean, bilanean agertzen da fres handiak izanagatik kooperatibak ahalak badütüala bürü egiteko. 300 bat hazle eta 18 langileen artean eramaiten da kooperatiba ; 49 000 axuri, 392 behi eta 1200 xahal saldürik izan dira azken sasoan. Merkatüen aldetik, Espainako merkatüan prezioak apaltü dira, aldiz esperantxa honak dira Japonia eta orokorki Asiako merkatü berriekin. Axuria kooperatibaren helbürü nausia da egoitza berriarekin merkatüak segürtatzea, 220 000 euroko fres emendatzearen gaintitzeko. Peio Quihillalt kooperatibako presidenta :

Ausaz

Kronika

Emankizüna

Artxiboan