Urdiñarbe eta Muskildiko haurrak beste hanitx bezala kantan hasi dira egüberri prestatzeko. Beren andereñoak (ttipi eta handienak) Xiberoko Botzari hersatü dira kantore horiek opari bilakatü nahian ; haurrek eman kantoreak grabatü dütügü diska baten egiteko. Dagün ostegünean (abentüaren 17) Urdiñarbeko salan ezarriko dütüe salgei diska horiek. Artean, hamasei kantoreetarik bata behatzen ahal düzüe heben.
Kantorea entzün :

Iragan astean, Gamere-Zihigako eskolako aitetamek haütetsien süstengüa üken züen. Igante hontan, sindikata zonbaitetako kideak dira Basabürüko borrokari jüntatüko. Xüxen erraiteko, deizaleak horiek dira : SNUipp-FSU, SE-UNSA, LAB sindikatak, Gamere-Zihigako aitetamak, Paueko ama eskoletako aitetamak eta Xiberoko ekintza taldea.
Goizeko 9.30tan eman düe hitz ordüa, mahain-üngürü batekin hasteko, sartze hontan irakaskuntzan diren arrenküra ezberdinen aipatzeko. Maite Ager SNUipp-FSU sindikateko kideak erran deikünaz, hitz ordü hortarik landa segida bat izan dadin nahi lüküe antolatzaileek, bena oraikoz deüs ere ez da deliberatürik.
Maite Ager entzün :

9.30 : Sindikata eta deialdiaren partaide ezberdinen mahain-üngürüa

Egüerditan : Bazkari hotza, etxetik ekarririk

Arrestiritan : Anne Bidalun eta Zahar Rock Band

Deialdiaren eskü-papera ikusteko, klika heben

(Argazkian esküinetik hasirik) Max Brisson, Michel Arhançet, Jean Castaings, Philippe Carrère eta Catherine Josso-Bruel kolejioko züzendariak estrenatü düe ostiralean (ürrietaren 16) Atharratzeko kolejio berria. Kontseilü Orokorrak osoki bere gain hartü dü beharrezko ziren 2.600.000 euroren pagatzea. Kolejioa berritü düe, eta hortaz gain, material berria erosi ere. Ordenagailüak, mp3 irakurgailüak edo arbela nümerikoak badütüe orai. Bena prefosta, haboroekin ere ez lirateke kexatüko.
Entzün kolejioko züzendaria, Catherine Josso-Bruel :

Gamere-Zihigaz hitz bat ere ez

Hatsarrean erran bezala, kolejioa estrenatzera jinik zen Philippe Carrère ikuskari ala inspektürra, akademiaren izenean. Nahi izan deiogü galto zonbait pausatü Gamere-Zihigako eskolaz, bena ez dü deüs erran nahi izan. Halere, Michel Arhançet Basabürüko kontseilari nagusia harekin elhestatü da, eta erran deikünaz, ez dü gibel eginen. Entzün Michel Arhançeten alkarrizketa :

Mauleko Herriko Etxeak hiru urte oroz Kontseilü Orokorraren sos lagüntzak ükeiteko parada badü, eskolen arraberritzeko. Hala egin dü aurten. Bai Maule gainean, eta bai pean, eskola püblikoetako gelak freskatü dütüe, leihoak eta bortak arraberritzez, eta beste lan ttipi zonbait egitez. Orotara 120 000 bat euro beharrezkoak izan dira lan horien egiteko.
Erran behar da normetan izateko beharrezkoak zirela, eta oraitik aitzina ere, legeak laster bortxatüko beidütü, lan zonbait egin beharko dira. Ondoko ürratsa : eskoletako güne güziak herbaltüentako egokitürik izan ditean. Bena erran bezala, Kontseilü Orokorreko sos lagüntzak hiru urtetarik baizik ez dira horra, eta beraz, hiru urte egüki beharko da lan horien egiteko. Edo bestela, gastü güziak Herriko Etxearen gain izanen dira.
Haur gütiago
Eskoletako lanen aurkezpen egünean, Mauleko aüzapezarekin elhestatü gira, eta beste arrenküra baten berri eman deikü. Herri ttipietan bezala, Maulen ere haur kopürüa ttipitzen ari da urtez-urte. Zenbakiak horren erakusle dira : Maule-peko eskola püblikoan, aurten 77 haur sartü dira, düala 7 urte 160 zirelarik.
Entzün Mixel Etxebest :