Igaran ostegünean, eskola, kolegio, lizeoetan, pübliko ala pribatüan sartzea igaran da. Xiberoko hiru kolegioetan züzendari kanbiamen izan dira. Argia kolegioko Alain Figueroa erretretalarat  joan beita, San Frantses kolegioko Sophie Larrandabürü eta Atarratzeko kolegioko Bruel züzendarisak ikasetxeaz kanbiatü beitira. Bestalde, L.A.R.P.S lizeoan Berrogaine-Lahüntzen, bost gela arraberritü dütüe eta Mendikotako barnategian lan egin düe 4. eta 3. gerreneko ikasleer batzarria egiteko. Aurten, erreforma profesional berriaren gatik, klase zonbait aski kargatürik badira eta gelak erdizkatü behar izan dütüe. Champo ikasetxean aldiz, lürraldeko kontselüa lagüntzarekin,  ikasleentako etxe bat eraiki düe. Bilgüne, trükatze, bülego, müsika eta informatika gela, kafeteria badirateke ikasleen zerbütxüko. Eskola zonbaitetan aitetamak mobilisatü dira, hala nola  Barkoxen,  burasoek eskola oküpatü düe. Bigerren urtearentako segidan postü erdi bat galtzen düe eta 2 urtez postü oso bat. Orai artino Barkoxen erakasle postü bat bazen frantses erakaskuntzarentako eta postü bat osorik eüskararentako. Akademiako Inspekzioko ordezkariak Barkoxeko eskolan ziren igaran ostiralean beren proposamenen egiteko : postü eterdi frantsesarentako eta erdi bat eüskararentako. Eskolako burasoak ez beitira ados proposamen horrekin beren ez adostarzüna erakusti düe. Asteazkenean setemere 8an, Akademiako Inspekzioak erantzün dü eta üdüriala igaran urteko ber postüak begiratzen dütüe, postü bat frantsesean eta beste postü bat eüskaran. Eperra ikastolan Sohütan haurrak emendatü beitira eta ikastola  ttipiegi delakoz, gela bat kanpoan ezari düe "algeco" delako güne batetan.

Entzün Colette Xuriberri Barkoxeko eskolako burasoen ordezkaria :

Barkoxeko eskolaren           Eskola sartzea           Pucheu jauna               Darracq jauna
oküpazionea                      Eperra Ikastolan        Argia kolegioko          San Frantses kolegioko
Haurrak eta aitetamak        Sohütan                    züzendari berria           züzendari berria

Aipatü günüan bezala ostirale hontan (apirilaren 30) izanen da Xiberoko Ikastoletako Ikasle Ohien (XIIO) alkartearen lehen bilküra zabala, Mauleko zerbütxü günean arratseko 8etan. 40 urte badira ikastolak sortü zirela, eta abentüan ikusgarri bat gei düe eman ikasle ohiek ; horren egiteko, alkartea sortü düan taldea handitü nahi düe. Ikusgarri hortaz gain beste helbürüak badütü alkarteak (ikus gure artikülüa heben klikatzez).
Alkartearekin harremanetan sartzeko, bestalde, Facebook kontü bat bada (XIIO txerkatzez) eta helbide elektroniko bat ere : Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko..
Entzün Argitxu Camus eta Maite Davant :

Xiberoko IKAS pedagogia zentroaren adarrak bere besta ospatü dü Barkoxen astearte hontan (arramaiatzaren 1). Ikastoletako eta eskola elebidünetako haurrak kümit ziren harat, animazio ezberdinen egitera, pista jokü bat artean. Lauzpazortzi taldeetan banatürik ziren haurrak, klase ezberdinetakoak nahasirik. Haurrak herriko lekü batetik bestealat kurri ziren, eta güneka norbait bazüen haidürü, zoinekin Barkoxez hainbat xehetarzün biltzen zütüen. Jokü horren helbürüa Barkoxe hobeki ezagützea zen (haurretarik bata, mauletarra, ez zen sekülan Barkoxen izan).
Entzün haurrekin egin erreportajea :

Aurten 40 urte beteko dira Xiberoko ikastolak sortü zirenetik, eta 20 urte ikastolek Abadia Ürrustoi pastorala eman züenetik ; aski urtemüga bada beraz ospakizünentako. Horrentako sortü düe ikasle ohi zonbaitek XIIO Xiberoko Ikastoletako Ikasle Ohiak alkartea. Abentüaren 11an Mauleko Jai-Alaian sorkuntza bat proposatüko düela deliberatü düe, bena ikasle ohien sarea hunki nahi lüküe lehenik. 18 urtez goitiko ikastoletako ikasle ohiengana heltzeko, bide ezberdinetarik zabaltzen düe deialdia : interneten Facebook kontü baten bidez (XIIO), ahoz-ahoz aipatzez eta apirilaren 30ean bilküra bat antolatzez Mauleko zerbütxü günean. Xehetarzünentako Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.
Entzün XIIOko bi kide, Argitxu Camus Etxekopar eta Maite Davant :