XÜXENEAN ENTZÜN

Ekonomia - Turismoa

Urte izigarri hona izan dela erran deikü Mixel Sécalot-k harekin Kakuetaren urteko bilana egin beitügü. 2015ean 80.000 bisitari ükeitez tinian zirela pentsatzen bazüen, 2016an ozka aise gaintitü düe kasik 100.000 bisitarietara heltü beitira. Mixel Sécalot :

Mathieu Christy eta Joël LievensDagün martxoan, 3. urtebürüa ospatüko dü Mathieu Christy eta Joël Lievens-ek sortü züen EMO entrepresak. Honek moldeak eta hegazkingintzako tresneria ttipiak egiten dütü eta lehen urtetik ederki ari da lanean. Egünko egünean lau langile badira. Irabarneko Lankia-Bermagian hasi züen beren lansaila eta urte hatsarre hontan beren egoitza berria eraikiko düe Sohütan.  4000 metra karratüko lür eremü bat erosi düe, nonere 500 metra karratüko eraikin bat altxatüko düen. 550 000€ko sos-sartze bat eginen düe. Xiberoa-Herri Alkargoarenganik 40 000€ko lagüngoa segürtatü düe jadanik eta Departamentü Konseilüari egin düen galtoaren arrapostüaren haidürü dira orano. Epe llabürrean ez düe beste langilerik hartzeko xederik, sos sartze horri nola bürü eginen düen ikusi nahi beitüe, bena hortik harat lan heina etxekitzen badüe, langile bat edo besteren hartzeko esperantxa badüe.
Mathieu Christy entrepresabürüa :

Indication Géographique edo Lürralde kokapena, lürralde baten aztaparra da, lürraldeko nahikünete batek sortarazirik, lürraldearen beharretarako. Atzo (2016/12/01) Maulerat agertü diren lürralde andana batetako mintzazaleen jakilegoek hori argi ützi düe. Bretainako harneltza, Limogeko portzelena ala Laguioleko nabele ezagützapen galtoak abiatü dira, jadanik zen jakintza batetarik. Ez da bortxan aisa izan, jüstoki jakintza horren batatik besteala igaranaraztea ez beita beti egin, ondorioa delarik langile formatüen edireiteko nekezia. Azpimarratzekoa den oharretan ere, IG batek ez düala politikalarien bürütik elki behar, ofiziokoekin adostü gabe, üdüriala Mauleko espartiñarentako sortü nahi den IGarekin abiatzen den bezala.
Jean Jacques Etxeberri Urdiñarbeko zinegotxia eta Jean Pelle Iriart Alozeko aüzapeza :


Beñat Elkegarai Mauleko zinegotxia :

Vincent Alazar Laguiole herriko aüzapeza :

« Automi enerjetikoa Eüskal Herrian », lelo hontaz gogoeta bat eramanik izan da Maulen, PNB/EAJ alderdiak antolatürik. Egürra, aize errotak, hur-argindarra, eki-argindarra edo ere biomasa aipatürik izan dira eta denak indarrak egiteko prest dira ahal bezain beste enerjia heben berean ekoizteko ! Gaüaldia baliagarri izan da I-ener ajentziaren ezagütza egiteko, enerjia berriztagarriak ekoizten dütü, berezitasün batekin, herritarrek parte hartzen ahal beitüe diharüztatzean. Kolektibitateekin lan egiten dü ajentziak eta herritarrek gogo honez parte hartzen düe egitasmüetan. Hendaia, Uztaritze eta Irulegin egingeiak bidean ezarririk iazn dira eta ajentziaren helbürüa lizate Eüskal Herriak behar düan enerjia güzia heben berean ekoiztea.
Bixente Uhalde, I-ener-eko langilea :

Egüberrientako Maulen egin erosketak!

Mauleko salerosleek, egüberriko animazio berezi bat plantan ezarten düe , abentü 1etik 24 ala arte. Salgia horietarik 48k parte hartzen düe eta sari andana bat eskentüko düe 20 egünez. Animazione hortan parte hartzen düen salgiek, apainketa berezi bat eginen düe eta orotarat 10.000 euro irabazten ahal dirate ; irabazleak izanen dira salgia bakoitxetan eta ürrentzean txotx egite handi bat antolatürik date. Bestalde, haurrentako, abentüaren 17 an, haurrentako arrestiri bat izanen da Maule Baita zinemategian, joküak, arrestiri askaria eta filma bat eskenturik izanen zaielarik. Hots, seküla beno haboro, Mauleko salerosleek xiberotarrer dei egiten deie, egüberriko erosteak egin ditzen Maulen !
Maritxu Carriquiriborde : 

Ausaz

Kronika

Emankizüna

Artxiboan