Xiberoko alderdi Komünistako kideek, Marouane Barghouti izenez berizendatü züen Mauleko René Elissabide plaza, iragan neskenegünean egin zen alkarretaratzearen karietara. Marouane Barghouti Palestindar dipütatüa, 2002az geroztik presoa da eta komünista alderdiko kideek dioenaz, gatazkaren konponbidean garrantzia handiko persona da. Neskenegüneko ekintza, nazioarteko kanpaina baten baitan sartzen zen, eta BDS (Boycott Désinvestissement Sanctions) Xiberoa taldearen parte hartzearekin egin zen. René Elissabide nahitara haütatürik izan zen, alde batetik enpresa bürüa beitzen, Frantses gobernüaren zorroztarzünako politika salatü nahi züen eta bestetik Franco español diktadoreak ohorratü beitzüan Xiberotar enpresalaria. Ber hildotik Mauleko komünistek galteginen düe Mauleko Herriko Etxeari, Léon Berard karrikaren izenaren kanbiatzea, jakinez Petain marexalaren anbaxadore izan zela. Berdin Arnaldo Otegi izena proposatzen ahalko düe eta ber zoinean Euskal Herriko gatazkaren konponbidearen alde ere mobilizatzen ahalko dira behinkoz.
Pierre Etchecopar bozeramailea :

Zorroztarzünezko neurrien kontre eta Frantses gobernüaren, Medef enpresa bürüen alkartearen eta eskuina eta eskuin mütürraren probokazioneeri ihardesteko, mobilizazio kanpaña bat antolatzen dü Xiberoko alkardi komünistak. Abentüaren 2an, asteartearekin bilküra pübliko bat eginen da Mauleko zerbütxü günean Ahüzki gelan arrestiriko 18:30etan, kanpañaren zergatien zehazteko. Eskü paperak banatüko dütüe ostegünean, abentüaren 4ean eta neskenegünean abentüaren 6an, Mauleko merkatüan goizeko 9:30etan. Goizeko 11 :30etan zerbütxü günean Maulen, Palestinarekin alkartarzün bilküra ere eginen da. Ondotik eta abentüaren 13a artino jarraikiko düe herritaren informatzen Atarratzen ere besteak beste.
Pierre Etxecopar Xiberoko komünisten idazkaria :

Gure ondarkinak norat joaiten diren jakiteak, herritarren interesa pizten dü düdarik gabe. Xiberotik, Baxenabarretik baita Biarnotik, 250 bat jente hüillantü zen iragan neskenegünean, hainbeste mintzarazi züan Mendixka ondarkintegiaren bijitatzeko. Kontrakoen ikusmoldea ez da següraski kanbiatü bijitaren ondotik bena beste hanitxek erran deiküe botzik eta lasaitürik zirela ikusitakoari esker. Goizan, haütetsiek ziren kümit eta xedearen kontrakoen onki jina üken züen bide bazterretik, jendarme andana batek eta helikopteroak zaintürik.
Bijitari zonbaiten oharrak :

Eüskal herri barnekaldeko turisma xedea eta  ondarkinen biltze sistima berria, aipagei nausiak ziren,  Xiberoa Herri alkargoaren azken biltzarrean. Eüskal Mendia egitasmoan sartzen da turisma xedea eta Akitania eskualdeko deialdi bati arrapostü eman da. Honartürik balinbada,  sos lagüntzak bildüko dira, Xibero, Baxenabarre eta Hazparne artino  turisma sailan baliatzeko. Bestalde, 2015-eko üztailatik goiti, ondarkinen biltzea oso kanbiatüko da herri zonbaitetan, Xarrikotapea, Sohüta, Ezpeize, Garindaine, Lixoze, Maule, Atarratze eta Bildozen. Antolaketa berri baten prestatzen ari da herri alkargoa, ondarkin horietarik parte bat bakotxak ekarten düan heinaren arabera pakatüko delarik. Informazio zabal bat emanik date ondoko hilabeteetan.
Dominika Boscq alkargoako presidenta :

Irakurri gehiago ...