Ez da egün oroz holako kantari famatüen ikusteko paradarik, bena Alozeko ikastolak eta Xiberoko Botzak balentria hori kausitü düe. Gaüaldi oso batetan sartüko da « Baga higa biga » Eñaut Elorrieta eta Mikel Markezek proposatüko düen kantaldi-hitzaldia. Eüskal kantagintzaren barnatzea eta builtaraztea dü helbürü Eüskal Herriko ützülia egiten düan kantaldi honek. 1960ko hamarkadatik abiatürik, ordünko kantoreak emanen dütüe bi artistek, hitzaren hartzez kantoreen artean. Aitzinetik, arratseko 8etan, Eric Alçacebe, Nicolas Urruty, Pascale Elichondoborde eta Jean Louis Bidabe ariko dira giroaren berotzen, eta jentea goizago jiten ahal da ere da ere ikastolako egüberriko merkatüaz gozatzeko. Xehetarzünak Allande Erreçarret, Anne Marie Hastoy eta Maylis Urrutyrekin :

Barkoxeko herriak aurtenko üdan eman düan Dantz'haka ikusgarriaren abentüra ürrentzeala heltzen ari da: abentüaren 16an Lehuntzen emanik beitate eta azkena Maule-Lextarren abentüaren 23an. Dantz'haka barkoxtar gazteak arizale diren ikusgarri bat da, dantza, kantore, müsika, antzerki eta bideo nahasten dütüanak. Patrick Queheille ‘Kanpo'-k dü taldea eraman eta erran behar da orai artino arrakasta ejer bat bildü düala. Ikusgarriak 2 oren irauten dü eta Eüskal Herriko 3 gertakaritan hoinarritzen da: Orreagako güdüka, Matalazen historia eta Gernikako bonbardamentüa. Leküak dagün astelehenetik aitzina salgei dirate, Barkoxeko Vival, Mauleko Xibero-Bio eta Atharratzen Unimarché salgünetan. Ikusgarriaz gain, abentüra hortaz galtegin deiogü berri Patrick Queheille ‘Kanpo'-ri:

Laure Gomez marrazkilariak argitaratü berri dü "Erran merran » izeneko haurrentako libürüa. Erran merran edo mardaila baten historia da. Koloretsü, ümoretsü… lehen-lehena izanen da eüskarazko libürü hau ttipientako, oherat joan gabe! Xibero Bio eta libürütegi ororetan edireiten ahal da. Laure Gomez :

Asteazkenean, Boliviako antzerki talde bat Maulera jinarazten dü « Boliviarekin alkartarzüna » alkarteak. Boliviako "Alto Teatro" konpainiak, « Peligro » antzerkia emanen dü. Ikuskizün hontan lan mündüko arrenküra hanitx aipatürik dirate. Inprobisazione hanitx badü Boliviako antzerkigintzak, eta müsika joiten düe ere. Antzezlariak espainolez ari badira, ützülpena ere segürtatürik date. Bada hilabete bat antzerki taldeak Frantzian gaindi emanaldiak egiten dütüala ; Maulekoa azkenetarik bat date. Hitzordüa asteazken gaüan Maule Baitha zinetegian, 8 orenetan. "Alto Teatro"-ren ützüliaren eramailea: