Xiberoko eskühüskako pelota txapelgoa aitzina doa. Igaran arramaiatzeko bigerren mailako finalak igaranik, laurdeneko finalak jokatüko dira agorrilaren 27 eta 28an. Eskühüskako erdi-finalak, Garindaine eta Muskildiko herriko besteen karri setemere 5 eta 12an jokatüko dira. Txapelketaren finala, Urdinarbeko besteen denboran  ürrentüko da setemere 19an . Aurtenko lehiaketak 5 hilabete iraün dü Xiberoko plazen gainti giro hoberenean. Jokülari haboro eta maila goraxago ere ikusi ahal izan da.
Soegin esküinean Webgüneko Berri llabürretan, txapelketako egitaroa

Entzün bi ardüradün Erik Etxart eta Alain Mugordoy :                 

Betzüla trinketeko lehiaketaren finala jokatü da igante hontan. Aurtenko finalistak Ibarrola eta Ducassou izan dira 40 - Bielle eta Paxkal Ezkurraren kontre 39. Ürrentzea artino pelota partida ederra eta tinko tinkoa ikusi ahal izan da.

Entzün Pierre Ducassou finalista Dominika Aguergarayen mikroan :

Setemearen 3 - 4 eta 5an, Xiberoko 54. Mendi tinietako auto lasterkaldia igaranen da. Segürtantxen aldetik arrau xorrotxak badira eta 3 ardatz handiak : kiroletako neurrien errespetüak - püblikoaren eta gidalarien segürtantxa eta azkenik üngürameneko neurrien errespetatzea. Lasterketaren antolatzeko, Automobil Federazionearen arrauak jarraikirik dira eta bada 2 urte jadanik üngüramena kontütan hartürik dela.  Lasterketak "Natura 2000" sailkatürik diren güne zonbait zeiharkatzen beitü ondorioz, neurri xorrotx zonbait aplikatü beharko dü. Iragan astean, antolazaleak, estadoako zerbütxüak eta Olorueko suprefeta bildü dira, lan bilküra hortan, Mendi tinietako auto lasterketaren antolaketa aztertürik izan da.
Entzün Philippe jamet suprefeta :

Zesta-puntako lehiaketaren finala jokatü da barda Mauleko Jai-Alaian. Beaskoetxea eta Felixek irabazi düe Erkiaga eta Alliezen kontre 35 eta 30. Lau püntüetan bardintürik zirelarik Alliezek belainean pelota bat bildü dü eta partidaren ürrentzea artino ageri zen ez zela aisa ari. Nahiz abantzü eijerra ükenik 14-7 ; 21-15 eta 24 bardintü ondoan, Beaskoetxa eta Felix finalaren irabazleak izan dira. Balinba, Felixentako Maulen azken partida zen eta omenaldi ttipi bat egin dioie Mauleko Herriko Etxeak eta Pelota Batarzünak.
Entzün Beaskoetxea zesta-puntalaria Dominika Agergarai-en mikroan: