XÜXENEAN ENTZÜN

Kirola

Bizikleta ala txirrindula zale franko egürükirik dira bihar eta etzi, Xibero eta Baxenafarroako bideetan, Eüskal-Herriko 3. Zikloturista ützülian parte hartzeko. ESAIT eta Mauleko Ziklismo Batarzünak antolatzen dütüen bi ibilbideak, lagünen artean emeki emeki egin daitezke edo lasterka, balentria txerkatzez. Üztailaren 2an Mauletik abiatüko dira goizanko 10.30etan, Oskaxe, Mendibe, eta Apanizetik iragaitez 85 kilometroko ützülia egiten ahalko da. Igantean aldiz, goizanko 9etan beti Maulerik abiatüz, Oskaxe, Gamia, Burdinkürützeta, Bagargi, Larraiñe, Izarbe eta Atarratzerik iragaitez, 148 kilometrokoa dateke ützülia. Izenak orano « iratikotourra.com » internet günean emaiten ahal dira, edo egün bakotx abiatzea aitzin.

Entzün Jean-Claude Aguerre Mauleko Ziklisma batarzünako kidea :

Xiberoan, Eüskal Herriko 3 gerren Zikloturistaren ützülia antolatzen düe ESAITek eta Mauleko Ziklismo batarzünak üztailaren 2 eta 3an. Üztailaren 2an neskenegünarekin, Mauletik abiatürik, Oskaxe, Mendibe, eta Apanizetik iragaitez 85 kilometroko ützülüa egiten ahalko da. Igantearekin aldiz, beti Maulerik abiatüz, Oskaxe, Gamia, Burdinkürützeta, Bagargi, Larraine, Izarbe eta Atarratzerik iragaitez, 148 kilometrokoa dateke ützülia. Zikloturista ützüli hau nahi düenentako zabalik da, igantez edo noiztenka txirrindula egiten düenentako. Ez da zoin gehiagoka bat, nahiz eta patar zonbait baizik ez diren kronometratürik izanen. Artean, izenak emaiten ahal dira, « iratikotourra.com » internet günean.

Entzün Jean-Claude Aguerre Mauleko Ziklismo Batarzünako ardüradüna :

Mendikotako rügbi taldeak 2011ko sasuaren bildüma egin dü arramaiatzeko biltzar nausian. Sasu hona izan bada orohar, anbizione eskaza azpimarratü düe trebazaleek eta lehendakariak aldiz fresen handitzearen aitzinean, sos sartzeak düdakorrak direla erran dü. Gerogo eta gaitzago da ere, aitzinkontüen orekatzea gehitü dü Battitta Hastoy Mendikotako rugby taldearen bürüak. Dagün urtean gehitüen mailan, izan dadin gizon ala emazteen trebazaleak berri izanen dira. Emazteena ez bada orano ezagütürik gizonena aldiz Bruno Bozom date.

Entzün Battitta Hastoy Mendikotako rügbi taldearen ardüradüna :

Betiko ahalekin, Federale bateko aitzinkontü ttipienarekin eta heben formatürik jokülariekin, sasu berri bat prestatzen ari da Mauleko SAM Rügbi taldea. Iragan den sasu bezalako sasu honaren egitea esperantxa erakutsi düe taldeko ardüradünek beren biltzar nausian. Iragan sasuaz lehen taldeak mailaren etxekitzea lortü düala ohartetxekiko dügü, baita ere bereziki Reichel B mailan artekoek irabazi düen Frantziako txapelgoa. Dagün urtean, talde hortarik gazte zonbaitek lehen taldea azkartüko düe. Bestalde, orai artino Colomier, Bezier ala Graullet bezalako taldeetan ari izan den Thomas Pochelu Maulen ariko dela jakinarazirik izan da. Zoin multxoan eta zer taldeekin ariko diren ez bada orano jakinik, sasu gogorra dateke düdarik batere gabe. Bena gazteen ekarpenarekin eta Mauleko taldeari ezagützen zaion gogoarekin, balentrüak eginen dütüe berriz segürki.

Entzün Beñat Queheille SAM Rügbi alkarteko bürüa :

Garindaineko eskü-hüxkako elite pro mailako 6 gerren txapelgoa, maiatzaren 26 eta 29ean jokatüko da Ürrüpean trinketean.  Ostegünean bi final-erdiak jokatüko dira. Arratseko 19etan lehen erdi-finalan, Patrick Ibarrola eta Thierry Etxetto, Philippe Bielle eta Thierry Harismendyren etzean ariko dira.  Ondotik bigerren erdi-finalan Waltary Agusti eta Ximun Lambert, Olivier Larretxea eta Patrick Ozafrainen kontre ariko dira. Azkenean, finala igantean 11etan jokatüko da Garindaineko trinketean. Finala xüxenean jarraikitzen ahalko da Xiberoko Botzean Dominika Agergarai lagüntzaleari esker. Aitzin partidan 10etan, René Muscarditz  eta Marc Saldubéhère, Peio Goikoetxea eta Alain Hegiabehèren kontre ariko dira. Ondotik leküan berean bazkariten ahalko da.

Entzün Philippe Sarraude Elite Pro eskü-hüxkako lehiakaz axolatzen dena :

Ausaz

Kronika

Emankizüna

Artxiboan