Mauleko ospitaleak, zorretan ürrentü düala 2011an baieztatü deikü Gilles Lamourelle Mauleko ospitaleko züzendariak. Mauleko eskerreko kolektiboak jakinarazi züan, Mauleko ospitaleak 2011an 700000ko ziloa züala. Mixel Etxebest Ospitaleko Administrazio Kontseilüaren lehendakariak bere aldetik baieztatü zeikün berria, ihardokitzerik egin gabe. Gilles Lamourelle züzendariak erran deikü, sos galtzea ez dela aipatürik izan den bezain handi, haatik zenbakirik eman gabe. Galtzearen zehazteko bi arrazu aitzinatü dütü, lehenik, eküratürik izan diren langileen ordezkatze franko izan dira 2011an eta bigerrenik, dotazioneak edo sos lagüntzak ttipitürik izan dira. Egoerari bürü egiteko, Ospitalearen Jarraiki Batzordea barantailaren 20an bildüko da, dena den, arten kalitatea bermatüko dela segürtatü deikü züzendariak eta ospitaleak düan beregitüratze xedea aitzina eramanen dela.

Entzün Gilles Lamourelle Mauleko ospitaleko züzendaria : 

Mauleko ospitalea lanjerean leiteke, Mauleko exkerreko kolektiboaren araberan. Ospitaleak, 700000 euroko ziloa lükeala jakinarazi dü urtarilan bere sartze politikoaren kari egin düan prentsaintzinekoan. Exkerreko kolektiboaren araberan, kontratü mügatüan diren langileak kanporatürik izaten ahal dira eta ospitaleak zütüan zaharberritze xedeak ere zalantzan litazke. Ospitaleko Administrazio Kontseilüaren lehendakaria den Mixel Etxebestek berri txarra baieztatü deikü, bena elementü habororen haidürü dela erran deikü, zerbait ihardokitzerik plazaratü aitzin.

Entzün Louis Labadot Front de Gauche alderdiko militantea : 

37000 eurok hasiko dira txerkatzen 2012 urtean "Lokotiko Bideak" edo "Chemins de Lokoti" alkarteko kideak. 2011 gerren urtean Kamerunen eraman den lanan, ohartü ziren 15000 bizizale honkitzen dütüan Lokoti eskualdeak, ebakuntza egoitza bat beharrezkoa zela eta bedezi bat ükeitea urte osoan. Hortakotz, orai arte izan diren sos biltze lanak jarraikiko dütüe, Lokotiko argazkiekin egin den egütegiaren salmenta bezala bena beste sos lagüntzale handiagoak beharko dütüe, beren xedea bürürala eramaiteko. Geroztik, "Lokotiko Bideak" alkarteak bide egin dü, 2007an sortü zen paludismoa eta ihesari bürü egiteko prebentzio sailan, orai artinotara heltzeko. Audela, 2011an Christian De Gayerekin beste 3 xiberotar Lokotira izan dira lanean eta experientzia gogor bezain aberatsa izan da haientzat. Bestalde, Lokotin ari diren beste alkarteekin ere harreman hona eramaiten direla deioie.

Entzün Christian De Gaye bedezia Lokoti alkarteko bürüa : 

Urtarilaren 28ean besta eder bat antolatzen dü Azia alkarteak Ligin. Herriko ostatüen ützülia egin ondoan, Ibiliz taldearekin dantzaldia badate. 2011ko Kanbiamenetan, Aurelie Tillen partitzea izan da eta Laurent Beguerie langile berriaren hartzea. Alkarteko kideen araberan, dena ontsa badoala deioie eta plazer egiten düala motiko baten izatea taldearen eramaile. Iragan urtean hasi xedeak gei dütüe jarraiki, hala nola, Safaria ürrentü diaknostika plazaratü, Bista-Eder lizeoko gazteekin dütüen harremanak jarraiki, 2011an Xiberoko Botzan irrati emankizün bat egin bazüen aurten kanaldude herri telebistarekin ixeatüko düe zerbaiten sortzea. Ürrentzeko ohartarazi dügü, Laurent Beguerie Aziako animazaleak PIJ edo Gazteen Informazione Günean permanentzia bat etxikitzen düala asteazken oroz Mauleko Pitzgarriaren egoitzan.

Entzün Azia alkarteko Joana, Aurélie eta  Frantxina :