Üztailaren 13an hasirik, agorrilaren 26a arte üdako aktibitate andana proposatürik dira San Martiko Harrian. Egunoroz goizeko 10 etarik arrestiko 6etara zabalik delarik. Izan fat bike, Tubing, skuash, minigolf, ibilaldi, big air bag , « tir a la carabine » delakoa, famili, gazte edo ere lagün taldeentako proposamenak badira. Düala urte zonbait hasirik, udan ere bai aktibitate zonbait proposatü nahi züan herriak, eta güti gora behera 5000 pertsona horra zaie üdan. Düen aktibitatetaz xehetarzünak bildu dutugu Dominique Rousseu San martiko harriko ardüradünarekin:

Aziak alkarteak jonarazten düan CLEJ 7.aren bidez, bi xede berri lagüntürik dirateke Xiberoan, eta audela, laborantxako lehen xedea süstengaürik da aldi hontan. Mitikilen, Benoit Albisetti, Ariège eskualdeko laborari gazteak hartzen düan etxealde baten segida, 5000 euro heinean lagüntürik da. Bigerren xedea, Maulen den Xibero haragitegiaren arrahartzea da. Emeric Sauvade eta Camille Dufay bikotearen jarraiki hartze xedea, 5000 euroen heinean ere lagüntürik da. 2016an abiatürik zen 7. CLEJ-a 44460 euroekin, geroztik eta azken bi xede horiekin, hamar xede lagüntürik izan dira 32000 euro sos prestatzearekin. Orai CLEJaren ardüradünak galto berrien haidürü dira. Benoit Albisetti:

Xiberoko lanbideen gida libürüaren aurkezteko gaüaldi desbardinak antolatzen dütü Aziak. Bizpahiru urtetako lana ondotik, Xiberoan diren enplegü desbardinak esplikatzen diren libürüa argitaratürik izan da. Eta lan hau betatzeko xedez beitira ondoko hilabetetan, honen lagüntzeko sos biltze kanpaina bat egiten dü webgünearen bidez. Justoki libürüa webgünean ere edireiten ahal da bai eta hainbat bideo. Libürü honen aurkezteko gaüaldi desbardinak izanen dira non eta aldikal lan sail bat aurkeztürik datekean. Lehena asteazken hontan Liginagan osagarri sailaz eta zerbitxuetaz, bigerrena Barkoxen, agorrilaren 2an Laborantxaz. 3. Agorrilaren 16an Lakarrin, ekonomiaren berdatzeaz eta Agorrilaren 29an Muskildin, ikerkuntzaz . Xehetarzünak Aziako Maider Larrorry eta Joana Hoqui-rekin :

Atarratzeko zibero , eskü balu alkarteak, sasaaren, bilan ezinago hona agerazi du bere igandeko biltzar nausian 271 gaztee lizentziadün, 16 ekipetan banatzen dira 156 neskatila eta 115 potiko ; 37 trebazaile eta 13 epaile dira Bestalde, aurten emaitza honak izan dira ,gehitüen neska taldea txapeldun eta kopako eramaile, potiko gehituen ekipa 3 gerren lekuan ürrentü dü sasua nazional 2 an eta gazteetan ere talde zonbait izigarri ontsa sailkatu dira ! ondoko urtean kanbiamen nausi bat: Mathieu Tauzin trebazale mitikoak bere kargüa ütziko dü Joimo Arancet eta Baptiste Etchandy-ri Iw : Francis burguru, lehendakaria: