Politika

: Politika; 2010 Azaroa 22; Agerraldiak: 2944

« Non à la retraite par capitalisation, Gure bizia ebasten deiküe »

Erretreten erreforma kontrako mugimentütik sortü den Eüskal Herri barnekaldeko Inter Pro Kolektiboa mobilisatürik egoiten da, erretreten erreforma, finantza eta politiko podereen oldarren kontre. Erretreten erreforma, errepartizionean bermatü erretreta sistemaren salbatzeko eginik dela sinetsarazi nahi dela, salatzen dü Kolektiboak. Adinari aplikatü legeak erretretaren zenbatekoaren apaltze orokorra ekarten dü eta erretretaren hein osoa salbüespena bilakarazten. Kolektiboak, Frantses gobernüa orano gibelarazten ahal dela gehitzen dü eta hortarako erretretaz herri galdaketa bat eskatzen dü. Frantses estado mailan eramanen den izenpetze kanpaiña zabalean parte hartüko dü eta süstengüa biltzen hasiko da. Igaran neskenegünean, Eüskal-Herri barnekaldeko Langilen Kolektiboa bildü da Mauleko merkatüan, erretreten erreformaren salatzeko. Mauleko plazan diren 2 bankoen aitzinean banderolak hedatü dütüe bankoen egiteko manera salatzeko. « Non à la retraite par capitalisation, Gure bizia ebasten deiküe » ! Hona zer irakurten ahal zen, Banque Populaire eta Crédit Agricole bankoen aitzinean hedatü banderaxketan. Ageriak zatitü dütüe merkazale zirener eta deia egin düe abiatü den petizionearen izenpetzeko, petizione hontan erreferendum bat galtegiten da.
Entzün ikusmolde zonbait neskenegüneko algarretatzean :

: Politika; 2010 Azaroa 16; Agerraldiak: 3205

Aurore Martin kontrol pean askatüa

Aurore Martin kontrol pean askatüa izan da astearte arrestiri hontan. Auzia goizan igaran da Paueko auzitegian. Epaileak bi dilebero hartzeko zütüan. Lehen, askatze galtoari erantzün beharra züan epaileak eta arrestiri hatsarrean baikorki ihardetsi dü. Bazen aste bat Aurore Martin gaztea preso etxekirik zela. Eta bigarrenik Madrilek egin Euro agintea edo Españaratzearen galtoari erantzün beharra züan. Epaileak, dagün asteartean azaroaren 23an emanen züala bere erabakia erran dü, auziaren ürrentzean. Dagün neskenegünean, azaroaren 20an , manifestaldi bat eginen da Baionan , Aurore Martin-en süstengüz, eta adiarazpen askatarzünaren alte. Arrestiriko 4 orenetan Eüskaldünen plazatik abiatüko da.
Entzün Amaia Rekarte abokata :

Entzün Xabi Larralde Batasunako kidea :

{jcomments on}

: Politika; 2010 Azaroa 12; Agerraldiak: 3389

Aurore askatü

Aurore Martin Mauletarra, Okzitaniako Tolosa ondoan den Seiss-ko presontegian da igaran astearteaz geroz. Düala hilabete zonbait jadanik Españak euro agindü bat zabaltü züan Auroreren kontra, bena hau ezeztatürik izan zeion. Españako estadoak beste bat pausatü deio, eta honen ondorioz, Donibane Garaziko hedexüritegialat deitürik izan zen astearte goizan (azaroaren 9an), eta haüek erraman züen Paubeko proküradorearen aitzineala, zoinek ere bere presontegialatzeko agindüa eman züan. Euroagindü honen salaketaren egiteko, eta Aurorren Españalatzeko mehatxüaren salatzeko, mobilisazioa antolatü da eta segitzen da. Aurrore Martinen aldeko mobilisazioak izanen dira ostiral hontan (azaroaren 12a) 18:00etan Mauleko Kürütxe Xurian, eta dagün asteartean (azaroaren 16an) 14:00etarik goiti, Paubeko auzitegiaren aitzinean, hor erabakiko beita zer segida emanen den euro agindüari.
Entzün Maite Etxeverria Artzen Letonaren mikroa :

: Politika; 2010 Azaroa 16; Agerraldiak: 3225

Jentarte haütüa

Bordale eta Hendaiaren arteko abiadüra handiko tren bide xede berriak bazterrak harrotzen dütü kostaldean. Herritarrak, haütetsiak eta alkarteak mobilisatürik dira beren ezadostarzünaren erakusteko. CADE edo üngürümenaren alte ari diren alkarteen kolektiboak azkarki ari da tren bide xede berriaren kontre eta igaran asteazkenean Maulen bilküra pübliko bat antolatü dü barnekaldeko jenteen informatzeko. Xedea zerentako ez düan honartzen jakinarazi dü eta eramaiten den garaio politika salatü dü. Gü ere xedearen ondorioak jasanen dütügüla azpimarratü dü, gure legarren bidez pakatüko beita Bordale eta Hendaiaren arteko abiadüra handiko tren bide berria. Azkenean, CADEk garaio motaren haütatzea, jentarte edo gizarte süerte baten haütatzea dela gehitü dü. Beste informazio bilküra bat finkatürik da barnekaldean dagün azaroaren 26an ostirale gaüan 20.30etan Donapaleuko Herriko Etxean, LEIA alkarteak antolatürik eta manifestaldi handi bat orai danik antolatürik da, dagün abentüaren 11an neskenegünarekin arrestiriko 15etan Lauga salaren aitzinean.

Entzün France Bonillo CADE alkarteko kidea :

: Politika; 2010 Azaroa 09; Agerraldiak: 3424

Herri Alkargoaren lürraren erospena

Düala aste zonbait Xiberoa Herri Alkargoak Sohütan kokatzen den lür eremü bat erosi dü antxeretan. Eraikitzeko hektare bat eta 8000 metro karratüzko lür eremüa da. Bildozeko enpresa güneko lür güziak saldürik izan eta, holaz bere lür erreserba berritzen dü. Herri Alkargoa bildü beharra zen erospen honen honartzeko. Bilküra hortan, Sohütako lür eremüaren inbestizamentüa adostürik izan da. Bestalde, Herri Alkargoak ISPAC enpresari bere eraikuntzaren jabegoaren ützültzea euro baten trükü deliberatü dü.