Frantziako hezkunde eta lehiakortarzünaren azkartzeko 35 neurritako "Hitzarmen" bat proposatü dü Frantses Jaurlaritzak. Neurri nausia da lanaren kostearen ttipitzea. Enpresentako hogei miliar heineko zerga mailegü bat plantan ezarriko dü hiru urtez. Horien dirustatzeko, 10 miliar ekonomiak eginen dira gastü püblikoetan eta TVA delakoa bermoldatüko da beste erdiaren biltzeko. 2014eko urtarrilan taxa gorena 19,6tik % 20ala iraganen da, taxa erdikoa, ostalaritzan eta etxebizitzen arraberritzean aplikatzen dena 7tik %10eala goratüko da eta azkenean janariaren gainekoa 5,5etik %5ala apaltüko da. Horrez gain, 2016an fiskalitate ekologikoa ere plantan ezarriko dü Gobernioak. Beste neurri franko plantan ezarriko dira, ikerketa eta berrikuntzaren  builtarazteko eta enpresen inbestizamentüen lagüntzeko banko pübliko bat sortüko da.

Entzün Artzai Mendiburu ekonomiaz aditürik dena : 

Eüskal Presoen Züzenen zaintzale den « Herrira » plataformak, 50 eragile sozial, politiko eta kültüralen deia presentatü dü, Baionan Azaroan 10ean eginen den manifestaldi deiarentako. Presoek bizi düen egoera legez kanpokoaren salatzeko da manifestaldi hau. Hiltzeko zorian diren presoek etxen bete behar düela beren kondenak, presoek beren familietarik hüilan izan behar düela eta legeak arrauditü kondena bat beno haboro ez düala preso batek jasan behar. Horik dira, Giza Eskübideen legediak bermatzen dütüan baldintzak. Bena ez estado Frantses eta ez Espainolak ez dütüe errespetatzen. Espainia, behin beno haborotan kondenatürik izan da Europaren ganik. Halere, bere legez kanpoko egitatetan jarraikitzen dü...

Entzün Joanes Etxebarria "Herrira" Xiberoa plataformakoa : 

Manifestaldi historikoa, 15000 jente algarretatü dira azaroaren 10ean Baionan, Eüskal Preso eta Iheslari politikoen eskübideen errespetüaren galtatzeko. Manifestaldia Eüskal presoen senideek zabaltü düe, haien familiakoen argazkiak esküetan zütüelarik. Herrira plataformak Frantzia eta Espainiako Estatüer gatazkaren konponbidean ürratsen eramaiteko eskatzen deioie. Bestalde, Aurore Martin-en arrestatzea eta espainaratzea azkarki salatürik izan da neskenegünean. Martin familiari süstengü edo alkartarzün ekarteko 07.87.76.92.65 edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.. Eta Aurore Martin-i idazteko, Aurore Martin Centro Penitenciario Madrid V, Ctra Comarcal 611, km 37,6, 28770 Soto del Real (Madrid).

Entzun Martine Bisauta Baionako haütetsia eta Alain Iriart Hiriburuko aüzapeza : 

Xiberoko haütetsi zonbaitek eta Batera plataformako ordezkariek beren süstengü osoa plazaratü düe Maulen egin düen prentsa aitzinekoan, dagün ürrietaren 10an Pariserat joanen den ordezkaritza, Eüskal- Herriko Lürralde Kolektibitatearen presentatzeko. Dominika Bosq Xiberoa Herri Alkargoako lehendakaria , Altzürükü,, Aloze- Onize Gaineko eta Mauleko aüzapezek presentatü düe xedea, Baterako ordezkariekin. Denek erran düe lan handi bat eramanik izan dela urte batez lan taldeetan eta orai dela mementoa esprabatzeko.

Entzün Léonie Aguergaray Muskildiko haütetsüa eta BATERA plataformako kidea :