17. aldikoz, “Gaü Izartsü”, gaüaldi lirikoa iraganen da üztailaren 19 an Altzürükün. Istoria lüze badü gaüaldi honek, uste gabe erakasle liriko baten ezagütza egin züan Johañe Carricaburu , Altzürüküko aüzapezak eta desafio bat bezala antolatü zen lehen kantaldi lirikoa Altzürükün. Geroztik, urte güziz egin da eta emeki emeki jenteak bere ganatü dü kantatzeko manera hori. Aldi hontan, bi soprano entzünen dira : Léila Brédent eta Sandrine Carpentier, pianoren lagüntzarekin. Opera ahaideak emanen dütüe, Mozart, Poulenc, Verdi eta beste. Artean ere, Xiberotar kantariak hor dirate, Jean Bordachar, Jean-Noël Pinque, Ttuttu Luro eta Robert Larrandaburu. "Gaü Izartxo" Altzürüküko elizan üztailaren 19an ostirale arratsarekin 21.00tan.

Entzün Johañe Carricaburu Altzürüküko aüzapeza eta antolazale bat : 

« Les Amis du Château » alkarteaz gain, Mauleko Herriko Etxeak ere, bere animazioak eskentü nahi dütü Maule Gaineko gaztelüan. Üztailaren 18an eta agorrilaren 2an, arratseko 7tarik aitzina, Gaztelü zaharraren eta Maule Gaineko ixtoriaren aipatzera jinen da Joel Larroque ixtorialaria. Agorrilaren 8an aldiz, « Gospel » saileko kantore hitzordü bat zaikü eskentürik.

Entzün Béatrice Lahargoue, Maule hiriko kültür zinegotsia : 

1953an Santa Graziko La Vernan sartü ziren lehen speleologoak. Taldean zen Daniel Epelly berriz jin da La Vernala 60 urteen bürüko, memento latzak, ederrak eta deskubritze handia kontatzen deizkü. 

Entzün Daniel Epelly speleologoa, lehen partea : 

Entzün Daniel Epelly speleologoa, bigerren partea : 

Mauleko besteen denboran üztailaren 12tik-14ala, ZINKA ostatüan ere mugimentü izanen da. Animazioneak arrestiri apalez hasiko dira 18.00tarik harat. Ostiralearekin hasteko 2 talde izanen dira Joxe Riplay eta The Bralarians. Neskenegün gaüan beste 2 soinü izanen dira bazterren alegeratzeko Zezenaren taldea Baxenafarroatik eta Zézé Baionatik. Biharamenean, üztailaren 14an igantearekin, 12.00tan  “Bertso Poteo” bat  eta bazkari bat Eüskal preso eta iheslari politikoen alde, Herrira Xiberoa plataformak eta Koblaka alkarteak antolatürik. 13.30tan bertso bazkaria Zinkan Xabier Silveira, Odei Barroso eta Ortzi Idoate bertsulariekin. Mauleko besteen denboran, besta egiteko giro hoberenean, animazione franko Mauleko Zinka ostatüan.   

Entzün Claudine Arhantcet Zinka alkarteko kidea :