Alkarrekin eskolak eginik, alkarrekin pelotakan ari eta Xiberoan nahi bizi. Hona zertarik partitü den Jean Jacques Carriquiriborde eta Beñat Elkegarraiek sortü ELKAR entrepresa. 2005an hasi zirelarik, bi lagün balin baziren, egün 27 dira hor lanean ari. Entrepresa, hiru lan sailetan ari da : sistema konplexuen ingeniaritzan, fabrikazione eta integrazionean, eta metrologia industrialean. Hegazkingintzan dütü bere lan emaile haboxeenak. Haiti, lan sailak zabaltü nahi dütü ELKARek, hala nola robotikari lotzeko.  Epe ertaineko asmüa litzate beren ekoizkin propioen asmatzea, fabrikatzea eta saltzea, hots asmatzetik hasiz, bürütik-bürü dena berek egitea.
Jean-Jacques Carriquiriborde :

Ligiko Hoberena kontserba entrepresa ürrezko 2 medailakin erretiratü da Pariseko laborantxa erakusgiatik. Hoberenaren pate eta terrinak dira saristatüak izan. Aitzineko urtean ere bi mozkinek ürrezkoa irabazi züen. Haren sekretüa da kartieleko eta kalitatezko mozkinak baliatzen dütüala. Audela 2012az geroztik Pariseko lehiakan parte hartzez, epaile edo jujeen abürüpenak kontütan hartü dütü bere mozkinen hobetzeko.
Beñat Petit Hoberena kontserbategiko bürüa :

Hiru urtez, Xiberoa eta Baxe Nafarroako lürraldearekin, eraman da lan bat saleroskari eta ofiziale ttipien lagüntzeko! Helbürüak ziren: lantegi edo salgünetaz ikuskatze lan baten egitea, sos lagüntza bat ekarri diharü-sartzearen lagüntzeko eta ekoizpen tresnaren hobetzea, ofiziale eta salerosgintza balioztatzea eta lürraldean begiratzea. Igaran diren hiru urtetzaz, ondoriotzatze hona egin düe, Hazparne, Garazi-Baigorri, Amikuze eta Xiberoa Herri Alkargoa ohietako haütetsiek. Orotara, 63 lantegi lagüntü dütüe, bakoitxak 44 000 euro-ko sos-sartzea egin düalarik, 7000 euroko lagüntza üken eta ororen bürü 21 lanpostü sortü. Arren, igaran diren hiru urte horik aberatsak izan dira. Orai, jarraikitzeko xedea bada eta haütetsiak ari dira beste plangintza batez gogozkatzen
Michel Etxebest :

10 000 bisita beno haboro Xiberoko O’lurra entrepresaren webgünean !! Bada urtea orai, entrepresa hori sortü dela bürki saparen saltzeko. Eta jadanik bere sos-ezarteak tapatü dütü bere iragan urteko saltzeekin. Orotara, 900 bat butilla (litro) saldü beitütüe. Erran behar da bürki sapa modan jiten den edaria dela. Detox edo korpitzaren xahatzeko honünea badü bürki sapak. Urtean behin baizik ez da biltzen, hots sapa goiti jiten delarik, bedatse hatsarrean. Hilabetez baizik ez düe beren proposamena egiten ahal, “nature et progres” ezagügarrian sartzen beitira eta ez beitüe ez zterilizatzen ez eta deüsere gehitzen beren ekoizkinari. O’lurra webgünean manatzen ahal da eta xehetarzünak orro edireiten ahal dira han.
Bertrand D'Hulst :