Urtarila ondarrean, uhuintzak izan dira Mauleko Gaztelüan. Joel Larroque "Les amis du Château" alkarteko lehendakari berria eta bere kideak ohartü dira XVII. - XVIII. eta XIX. menteko pieza elibat ebatsirik izan zirela. Azken urte horietan, Jean-Pierre Errecarek txerkatü eta atzaman zütüan mente ezberdineko sos elibat dira, orotarat 144 pieza ebatsirik. Beharere, ürrezko zirenak ez ziren hor begiatürik bena halerik ere sos horiek balio historikoa bazüen Mauleko eta Xiberoko historiaren parte bat ziren. Bestalde, 2010ean jadanik " Les amis du château" en sos kütxa ere ebatsirik izan zen eta hede xuriek ez züen sekülan uhuiñak atzaman ahal izan. Agian, aldi hontan inkestak bere frütüak ekarriko dütü.

Entzün Joël Larroque "Les amis du Château" alkarteko bürüa : 

1982ko agorrilan hasi zen lehentze Xiberoko Botza hedatzen. Horren ospatzeko ekitaldi ezberdinak antolatzeko xedea dügü Xiberoko Botzan. Horietan dügü abentüaren 1an "Koblaka aiharia" Muskildiko posonpesenean iraganen dena. Gaüaldia arratseko 8tan hasiko da bertsolariekin, Joanes Etxebarria, Miren Artetxe, Ramuntxo Christy, Ortzi idoate, azken biek aurtenko Xilaba txapelgoan parte hartürik. Aitzinetik, izen emaitea aholkatürik da 05.59.28.29.89 lat deitüz. Bestalde, 2013an beste ekitaldi zonbaitekin jarraikitzeko xedea dügü.

Entzün Ortzi Idoate bertsularia : 

Euskaraz ari diren 26 irrati entzüngei dira oraidanik sakolako telefonetan eta Ipad bezalako plaketetan. Iragan urtean, Antxeta Irratiak "Berria" egünkariaren bursa bat lortü züan eta Antxetaren proiektüa FitBak enpresak garatü züan eta Uhinbak aplikazioa sortü züan. Horren bidez, 11 irrati entzün zitezkeen eta orai beste 15 irratitara zabaltü düe. Haien artean, Iparraldeko 4 Eüskal Irratiak entzüngei dira. Aplikazioa dohainik da, Android eta Iphone mugikor sistemetan erabilgarria. Uhinbak aplikazioa, uhinbak.eu internet günean telekargatzen ahal da.

Entzün Aitziber Zapirain Antxeta irrtatikoa : 

Ebizione eta hurte handiak izan dira Larrainen ürrietaren 20ko aste ondarrean. Larrainen Irati eta Nafarroako bideak moztürik izan dira eta lau etxalte bakartürik baratü dira. Ebite handien ondorioz Larraine herritik, izan dadin Irati edo Nafarroa aldeala joaiteko, bideetan itses handiak izan dira. Aste hatsarreaz geroztik, ekipamentüko langileak karraskan ari dira lanean bena segür ere obrak lüzatüko dira.

Entzün Frantxoa Camus Mauleko Ekipamentüan bideetaz ardüratzen dena :