Zalgizeko Etxe Gazna gazitegia geroari so da. Xiberoko herri alkargoak eznearen erabilpenaz abiatü düan ikerketa batetaz baliatüko da, dagün urteetan kausitü beharreko helbürüen finkatzeko. Oraidanik berriz, gazitegian tenperatüra eta hezetarzüna küdeatzen düan tresneria berritüko düe, hobeki lan egiten delakoan tresna modernoekin. Azkenik komertzializazioari ere pentsatzen ari dira, eta kalitatea prezioen arteko oreka atzamaiteko lan talde bat sortüko da.
Entzün Francis Poineau :

Ahüzki gainean, Nabolegi olan, ardien jeisteko tresna berri bat ezarri düe. Holakorik ez beita üsü ikusten bortüan, harat joan gira mikro eta kamera batekin. Pierre Jaragoien laborari Altzükütarrak, beste laborari batekin eta artzain gazte batekin, 300 bat ardiko saldoa badüe gain hartan. Esküz jeistez beno, erran gabe doa, hanitxez denbora gütiago behar düe orai. Horri esker, bortüan gazna egiten ahal düe etxalteko lanak egitez. Erran behar da ere bortüan holako tresneriaren ezarteko sos lagüntzak handiak direla (% 70 eskualdeko kontseilüa eta kontseilü orokorretik, % 20 xiberoko sindikatütik).
Heben pean Ahüzkin Beñat Hach Embarek Irizarrek egin bideoa ikusgei düzüe (üda orotan ariko da gure lagüntzen).
Entzün Pierre Jaragoienen alkarrizketa osoa :

Artzainak Xiberoko enpresa taldean sartü da berriki Lagarde, Bordelen erosi berri düan enpresa. Apirila hatsarrean hasi dira lanean 9 langile GEMA enpresa ohiaren egoitzan. "Epareuse" eta "broyeur" delakoak egiten dütü laborantxarentako ala DDEarentako. Lagarde markak zütüan hitzarmenekin jarraikiko düe Xiberotik, Khun edo Vicon bezalako marka ezagüner tresneria saltzez. Piezak kanpoan eginarazten dütüe, eta Maulen muntaketa lanak egiten. Urtean 250 tresnaren saltzera heltü nahi lüküe, eta ahalaz laster langile berrien hartzera ere. Artzainak taldeko ASMA enpresak, bestalde, tresna berriak asmatü behar lütüzke eta Lagarde enpresari eginarazi.
Entzün Beñat Casenave, enpresabürüa :

Berrogaineko laborantxa lizeoko ikasleek Europass deitü diplomak üken dütüe aste hatsarre hontan. Lizeoak antolatürik, Nafarroan eta Irlandan izan ziren ikasle zonbait ikastaldiak egiten, eta Europass izeneko diplomak ofizializatzen dütü lan egün horiek. Lan mündüan sartü beharko direlarik, ikastaldi horren agiria erakusten ahalko düe.
Aste hontan diplomak üken dütüenek iragan urtean egin zütüen ikastaldiak, eta aurten ere (arramaiatzean) beste 17 ikasle joanen dira Nafarroa eta Irlandako laborari etxeetara.
Entzün Bettan Hoki, iragan urtean Nafarroan izan zen ikaslea :