XÜXENEAN ENTZÜN

Ekonomia - Turismoa

Gipuzkoako erosle edo « klientetaz » hüilanago izateko, Mauleko Elkar enpresak langile bat hartü dü. Ohiz, 200 langilez goitiko lantegier dütü bere eskentzak egiten bena ttipiagoak andana badira Gipuzkoan. Bere aktibitatearen sentotzeko harien ganarat jo nahi dü, hori date ere Tolosar gaztearen egin beharra. Indüstriako sail ezberdiner bere eskentzaren egiten jakin üken düakoz, Mauleko Elkar enpresak ez dü krisiaz sobera sofritzen. Egün, 18 langile badira hor lanean ari, bere akitibitatea delarik metrologia eta injeniaritza.

Entzün Erik Etxart Elkar enpresako kidea  :


Soinüaren telekargatzeko (esküineko klika)
Entzün Ander Tolosako langile berria : 

Soinüaren telekargatzeko (esküineko klika)

Abentüaren 22an zabaltüko da Izarbeko lerragünea. Iraüpen eskia edo ski de fond delakoa, baita lerrakia ala raketen egitea proposatürik dira. Lerra güne hori ezezagüna da, ata, denbora ederrekin bixta ezinago ederra eskentzen dü. Izarben, ski de fond-ren egiteko 31 kilometra ordoki den bidexkak badira eta 15 kilometra bidexka raketen egiteko. Hots, familian egünaldi goxo baten iragaiteko güne egokia. Ostatü, jatetxe, material alokaidatze oro edireiten ahal da Izarben eta audela batzarria eüskaraz eginen deizüe Eric Altçacebe lerra güneko ardüradünak eta Patrick Aguerre Itsasuarra ostatüko joanarazleak.

Entzün Eric Altçacebe eta Patrick Aguerre Izarbeko lerragüneko ardüradünak : 


Soinüaren telekargatzeko (esküineko klika)

Aitzindari izan nahi dü Departamentüko Kontseilü Orokorrak, hartarako 70 "Geroko Gazte Enplegü" sortüko dütü. Lan mündüan sartzeko gazteen lagüntzea da dispozitibo berri honen helbürüa. Enpresa batean lan egiteaz gain, formakuntza eta kalifikazione ibilte bat eskentüko zaio gazteari eta zürkaitz bat ere ükenen dü. 2013an, 700 postü sortze züzena düke Departamentüak, 2014an aldiz 1500 eta honen beste 2015ean.

Entzün Arnaud Villeneuve Kontseilü Orokorrean "Gazteen Zerbütxüaz" ardüratzen dena


Soinüaren telekargatzeko (esküineko klika)

ODACE egitüraren geroa düdan ezarririk da, ez eramaiten düen lanarentako, baizik eta ekonomikoki ezin beitü hola jarraik. Aurten 12000€ zilo batekin ürrentü dü eta 2013ko urtea zilo batekin ere ürrentüko dü. Iragan urtean, ODACEko langileak Alkargoarentako lan egin badü denbora erdiz, erran behar da ez da nahi bezala ibil. Ondorioz, Xiberoa Herri Alkargoak ekonomiaz ardüratüko den teknikalari bat hartüko dü bere gain. Prefosta, Herri Alkargoak, ezin düke langile bat hartzen eta lehen ber heinean ODACE lagüntzen, horrek dütü arrenkürak sortzen. Bestalde, ODACEko kideek düdan ezarten düe langile berriaren disponibilitatea, hüilantarzüna eta dener kasü egiteko gaitarzüna.

Entzün Pierre-François Etxegoyhen ODACE egitürako lehendakaria : 


Soinüaren telekargatzeko (esküineko klika)

2013ko urtarilatik aitzina sos berri bat Xiberua, Lapurdin eta Baxe-Nafarroan. Eüskal moneta alkarteko kideak Maulen ziren, "Eusko" xede berriaren presentatzeko. Leküko sosa baten izateak abantaila ekonomikoak ekarten dütü eskualde batean. Horrez gain, helbürü desberdinak badütü, eüskararen builtaraztea, berziklapenaren azkartzea, alkarteen lagüntzea eta ekonomia sozial eta solidarioaren azkartzea. "Eusko"-ren baliatzeko alkarteko kide izan beharko da, baldintza ezberdinak errespetatzeko izanen direlarik. Maulen 30 bat jente bazen, komerxant, enpresa bürü, alkarteko kide eta prefosta kontsumizaileak. Arrenküra eta düda franko agertü dira eta antolatzaleen arabera baikor da interes bat sortzen beita. Xehetarzün haboro : euskalmoneta.org web günean.

Entzün Mailalen Errotabehere "Eusko" moneta alkarteko kidea : 

Soinüaren telekargatzeko
(esküineko klika)

Ausaz

Kronika

Emankizüna

Artxiboan