Ebia, lohia eta lanoaren pean iragan dira lasterkaldiak, halerik ere denak kuntent izan dira antolaketa eta batzarri honaz. 19 km ko lasterketa eraman du Nicolas Apiou Biarnesak 1.44mn ; Mikel Esclamadon 5 gerren eta Johane Etxebarne ("Ajia") lehen xiberotarra 6 gerren da . 10Km ko lasterketa eraman du Jérome Camacho Azkaindarrak! Barkoxeko herriko eskolaren alde antolaturik zen lasterketa. Erran behar da lasterketa hau sartzen dela iparaldeko lasterketen txapelketan eta label berde bat ere ardietsi dü bazterrak errespetatzen direlako marka. David Etchecopar "Attuli" antolazalea :

Eta orai fase finaleko bidea hartzen dü, atzo arrestitan zelai idor batetan, Maulek zurratü dü azken postüetan den Aire-sur-Adour-eko taldea. 45-3!! Entsegü leherra, gibeleko jokülariak gozatü dira, negü hontan beno hanitxez ere balu haboro ikusi beidütüe. Berri txar bakotxak mankatü edo zauritüetarik horra dira, Xavier Arla oinarria galdü beitü SAMak atzo arrestitan. Orai kanporatze edo "barrage" bat jokatü beharko dü Issoire-ko talderai kuntre, hau irabazten badüe Nafarroaren kontre ariko dira. Beste emaitzetan, ziberoak berriz ere espanto bat egin dü spom begleko salan eta hirugerre leküan da nazional 2 an. Baretouseko trailan aldiz, Johane Etchebarne "Ajiak" 6gerren leküa hartü dü.Kevin Lagot eta Nicolas Duplas nausitü direlarik binakako lasterketan. Beñat Queheille :

Xiberotarrak lasterka alkarteak Xiberoko üngürüan hirugerren antolaldiaren izen emaitera abiatü da. Arramaiatzaren 16 an, lasterkaz proposatüko dira 5 etapa, taldeka, etapa bat bedera. Aurtenko edizionearentako etapak berritürik izan dira, Xiberoan ezagütarazteko gogoaren begiatzez. 42 talde hotx 200 bat lasterkari iragan urtean, aurten haboroen ükeitüa espero düe. 1. etapa : Mauletik Urdinarbeko San Gregori arte. 2. etapa : Urdiñarbe Altzürükü. 3. etapa : Altzürükütik Ahüzki-a. 4. etapa : Altzai-Atarratze 5. etapa : Atarratze Madalena Atarratze. Xehetarzünak Maylis Houret-ekin :