Politika - Xiberoko Botza

: Politika; 2023 Maiatza 05; Agerraldiak: 430

Eüskal borroka eta bake prozesüa nola aipatü ?

Galto honen üngürüan gogozkatzen hasi zen Myriam Prévost kazetalaria 2011an. Entzünezko dokümental bat elki berri dü Arte radio-ren webgünean, arrakasta handia biltzen ari dena.
Hontan 3 orenez ETA erakundearen historia, gerla zikina, armen hartzea, tortüra, bake prozesua eta beste honanbeste gei jorratzen dütü.
Lekükotarzünez beterik, Eüskal herriaren borrokaren parte hori kontatzeko bere harria ekarten dü.
Myriam Prévst eta potcats-an parte hartzen düan Josu Urrutikoetxea militante historikoa :

Ostirale hontan bere lana presentatüko dü lehentze Eüskal herrian Atharratzeko Prefostan gaüko 9etan. Lekükotarzünak entzüten ahalko dira, Myriam Prévost-ek bere gogozkatzeak aipatüko dütü eta tarteka HABIA taldeak (potcastan müsika egin düana) joko dü.

: Politika; 2023 Maiatza 05; Agerraldiak: 442

Eüskal müseoa Xiberoan bai ala ez??

Eüskal museoaren adar bat eginen dea Xiberoan ?
Bada orai urte zunbait alkarte, herritar eta haütetsi saldo bat lanean ari dela euskal museoak lekü bat üken dezan barnekaldean.
Donapaleun xedea untsa aitzinatürik bada, xiberoko xedearen eramaileak inkiet dira üd%üritzen beizaüe Mauleko herriko etxearen süstengürik ez dela.
Eta jüstokin Maulen egin nahi zen Euskal museoaren adarra Xiberoan.
Mauleko merak dio ez düala deuje ideia horren kuntre eta prest dela bi günen proposatzeko hortako, bena ez dela hori egin behar espartinaren aipamen zentroa xedearen gainetik.
Bi xedeak behezi behar direla eta lehentarzüna harek espartina gune horri emanen duala ohartarazi dü…

Robert Elizondo ikerzaleak alkartekoa eta Louis Labadot mauleko mera:

: Politika; 2023 Maiatza 02; Agerraldiak: 402

Maiatzaren lehen jentetsüa Maulen !

400 bat pertsona bildü dira langileen züzenen alteko borroka egünean. Üsatüan bezala bi manifestaldi ziren : CGT, FO eta FSU alde batetik eta Xiberoko beste kolektibo andana bestetik (ELB, LAB, Les Colibris blancs, Etorkinekin, BDS boycott Israel, Xiberoko bidearen kuntreko kolektiboa, Xiberoko feministak, XEEK).

Bietan gure mikroa paseatü dügü :

: Politika; 2023 Maiatza 03; Agerraldiak: 394

Palestinako ordezkariak Maulera jin dira

Maule eta Ballata Palestinar akanpamentüaren arteko biazkatzera eginik izan da. Igaran üdan Mauletar zonbait harat joan baldin baziren, igaran aste ondarretik Eüskal Herrian heltü dira 30 bat Palestindar. Adin güzietakoak dira eta hainbat opari ekarri dütüe ostiralean egin den biazkatzearen izenpetzearentako.
Hen egoera esplikatü eta Palestinako kasüa ohitarazi ondotik, biazkatze dokumentüa ofizializatu düe izenpetzez.
Ballatan 30 000 biztanle badira, 0,5kmtan bizi. Etxetarik kanporatürik izan diren errefüxiatüak dira han.
Said Thouqan delegazionearen parte da :

: Politika; 2023 Apirila 21; Agerraldiak: 477

Palestindarrak Maulen !

Mauleko herriak berriz biazkatze bat antolatü dü. Burgiko herritik landa, Erronkariko ibarretik landa, oraikoan Palestinako Balata errefüxiatü herriarekin jüntatü dira.

Erran behar da iragan urtean Mauleko kontseiler zonbait Palestinalat izan zirela Xiberoa Palestina alkarteko kidekin.

Dagün astean palestindarrak dira horra, hautetsiak eta dantza talde bat. Gure bazterren ezagütarazteko egitarau aberatsa sortürik izan da.

Xiberoa Palestina alkarteko Johanne Foirien eta Bertrand Dhulst :

Herrietako berriak

2009 Iraila 17Berriak

Sohüta-Hoki Maiatzaren 22ko berriak Marise Etchegoin Laborde-Laulhé Mixel Etxekoparren bertsetak 2017 02 20 : BasabürüaMaiatzaren 23ko berriakJeannot Etcheto PagolaMaiatz...

Crédit Agricoleren eskerrak Xiberotar zonbaiter

2013 Martxoa 13Ekonomia / Turismoa

Zortzi urtez Credit Agricoleko lehendakari izan ondoan, Albert Hastoyek bere leküa utzi deio lehendakari ordariari Juju Erbin Ürrüstoi-Larrabileko aüzapezari. Albert Hastoyek erama...

2010an Xahakoa pastorala Barkoxen

2009 Urria 17Kultura

Etxahun alkarteak biltzar nagusia egin dü ostiralean (ürrietaren 16) Barkoxen. Lehenik ikasurteko bildüma eginik izan da, bereziki aipatzez iragan negüan Barkoxek egin Maskarada et...

Xabier Itzaina Hebentik alkartean Euskal müsikalarien aipatzeko !

2023 Abendua 06Kultura

Hebentik alkarteak Xabier Itzaina ikerlaria jinarazi düe Euskal dantzentako ari ziren Musikalarien aipatzeko.Xehetarzün Haboro xabier Itzainarekin : (audio)/images/audio/xabieritza...

Hotza senditü eta maskaradaren sasoa horra da !!

2023 Abendua 06Kultura

Aurtenkoa Pagolan date, eta hori ez berritzerik gabe ! Lehentze beitate neska bat Kabana kargüarentako ! Lehen mustrakalat joan gira : (audio)/images/audio/pagolakomaskarada.mp3(/...

Müsikaren Egünak bere memoria bildü dü!!

2023 Abendua 01Kultura

Azken 2 urteetan artxibak oro (artikülü, bideo, müsika..) bildü dütüe webgüne batetan https://musikareneguna.eus/ Estrenaldia neskenegün hontan arrestiko 5etan Urdiñarbeko herriko...