2011 urte hontako, Aintzindariak Xiberoko Dantzarien Federazioneak desafio ederrak badütüke. Alde batetik, Xiberoko Haur Kantu Txapelketako erdi-finalan parte hartzea apirilaren 10ean, bestetik maiatzaren 7an Atarratzen iraganen den Dantzari Ttipiren antolatzea eta Eüskararen Egünan parte hartzea. Aintzindariak beste urtez eraman düan dantza eta müsika eskolak aitzina jarraikiko dütü eta beste usatü animazionetan hor izanen da, Olentzero bezala. Hona aipatürik izan diren lan xedeak Aintzindariak alkarteko biltzar nausian martxoaren 25ean Barkoxen.

Entzün Oihana Larrandabürü Aintzindariak alkarteko kidea :

Sü Azia alkarteak aspalditik lan egiten dü Xiberoko eüskararen zaintzeko eta süstatzeko. 2010ean langile bat hartü dü Sü Aziak, E.K.Eren eta Xiberoa Herri Alkargoaren lagüntzarekin. Maddi Oihenart kantariak dü lana jarraiki ohizko kantoreen nümerisatzen eta zerrendatzen. Bestalde, « Aita artzain zen » libürüa agerrarazi dü Sü Aziak eta bere internet günea arramoldatü ere bai. Beste lanetan, « Eüskara lehen eta orai » saila abiatü da, Xiberoko leheneko izkiribüa oraiko ortogrofan ezartez. 2011ko ere langei hanitx badü Sü Aziak, kantore tradizionaleen eretzeko lanaren jarraikitzea, Xiberoko herrietako leküen izenez lan baten eramaitea, leheneko pastoral kaier biltzea, kopiatzea eta leheneko denboretan idatzi ziren ipuin eta alegien agerraraztea. Sü Aziaren helbürüa da eüskara ez dadin gal eta xiberotarrek eüskara erabil eta irakur dezen.
Entzün Margarita Bordachar Sü Azia alkarteko lehendakaria :

Apirilaren 7an hasirik Trebiñun Araban, eta Eüskal Herri osoa zeiharkatü ondoan, Gipuzkoako hiribürüan Donostin ürrentüko da aurtenko 17. Korrika apirilaren 17an. Honen kari eta üsatü bezala, Korrika kültürala antolatzen da eta hitzordü elibat proposatürik dira Xiberoan. Lehena, martxoaren 18an, Muskildin eginen den antzerki gaüaldia izanen da, Xiberoko Gaü Eskolak antolatürik. Biharamenean, martxoaren 19an, Zaparrada taldearen kontzertüa antolatüko dü Zinka ostatüak. Martxoaren 26an berriz, Gaü Eskolako ikasleek antzerki llabürrak emanen deizküe Barkoxen eta ber mementoan, Ramuntxo Christy eta Eneritz Zabaleta koblakan ariko dira, Bertsularien Koblaka alkarteak antolatzen düan Kabaret gaüaldian. Azkenik, Bilxokoa alkarteak Koldo Zuazo ikerlaria kümitatüko dü eüskalkietaz mintzaldi baten emaitera. Bestalde, Korrika apirilaren 12an igaranen dela Xiberotik, Arrüetik eta Muskildira, goizanko 6ak eterditarik eta 10ak laurden güti artean.

Entzün Jef Goihenexpe eta Stéphanie Moustrou Xiberoko Gaü Eskolako animazaleak :

Mauleko ihauteriak arrakasta ederra üken dü. Zelüan odeiak hor baziren ere ateri egin dü eta horrek jentearen hüilanaraztea aisatü dü. Karro ederrak agertü dira eta jente haboroena ederki maskatürik zen. Arrestiriko 3etan ihauteriaren ibilaldia abiatü da Mauleko geltokitik eta adinetakoen etxean arrestiri askaria hartü ondoan Maule gaineala joan dira Zanpantzaren epaitzera. Ondotik gaüan, Mauleko-Gaineko merkatü tapatüan berrehün bat jente bildü da algarrekin aihariteko. Dagün urteko, alkarte habororen hüilanaraztea esperantxa düe antolazaleek.

Entzün lekükotarzün andana bat :