- Hezkuntza
- Agerraldiak: 3887
Mauleko-Gaineko eskolako lanak abantsü ürrentürik
Hirugerren lanen partea ments da egiteko, Maule-Gaineko eskola osorik arra berritürik izan dadin. Lanak lüze izanki, haütüa hala hartürik izan zen bakantza denboretan lanen egitea haurrak ez ditian trabatürik izan lanetaz. 110 000€ko kostea izan dü aldi hontako lanek. Leheneko komitate eta aterpe zaharrak desegin eta berriak eraiki dütüe. Jauregia hüilan izanki lanen aldetik ere araudi bereziak errespetatü behar izan dütüe.
Entzün Mixel Etxebest Pauleko aüzapeza :
Ürrieta hatsarrean hasiko dira Sohütako eskola pübliko berriaren lanak. Eskola berria herriko gelaren ondoan eraikiko da. 6 ikasgelak, jangela, multimedia gela bat, psikomotrizitate beste gela bat, bülegoak, hots behar diren güziak, ikasleek eta erakasleek baldintza hoberenetan ari ditian. Eraikuntza, kontsümo apaleko normetakoan pentsatürik izan da, berogailüa egürrarekin ibiliko da eta ahalmen gütti diren haurrek edo handikapatüen errezibitzeko pentsatürik izan da eraikuntza. Xedeak 2 miliu eurok igaranixerik kosteko dü eta lanek 2013ko üztailako ürrentürik izan behar lükee.
Egün LARPS (Lycée Agricole Rural Privé de Soule) eskola sartzeari interesatüko gira. Llabür biltzeko, Christophe Gaget züzendaria aski botzik agertü da sartze hontaz. Iragan urteko azterketen emaitzak gogoan, ikasleen kausipena %93koa izan beita. Erran behar da, düala 15 urte ikasleen heina ehün batetakoa baizik ez bazen, egün hiru ehünez goitikoa da. Akitania osotik jiten dira ikasleak. Beste püntü baikorretan, lanborantsa sailan haurzionea ari dela emendatzen. Iragan urtetan 10 altexekoak balinbaziren, aurten 18 dira. Bestalde, LARPSen egoitza handitze lanak bertan hasi behar lütükee.
Herri eta herrien arteko mailako alternatiba ekologiko eta energetikoer bürüzko mintzaldiak proposatzen dütü 
Ez da zerratzeko prest San Frantses kolegioa !!!!! Azken urte horietan ikasle gütiago agertzen bazen, irria eta ümor hona arrajin dira. Erran behar da kolegioaren promozione lana frütüa ekarten düala. Darracq jaunak erran deikünaz, Frantzia alde orotarik (DOM-TOMtik ere) jiten düela ikasle zonbait, equitazione opzionerentako. Mementoan, lizeoko mürrü ohiak saltzeko balin badira sekülako bizia da mauleko kolegio zaharrean !