XÜXENEAN ENTZÜN

Soziala - Osagarrigintza

Aurten ere, xiberotarrak aski mobilisatü dira ikerketaren lagüntzeko eta eritarzün araroetaz hunkirik diren jenteen lagüntzeko. Emaitzen aldetik apaltze bat agertzen da bena antolazaleen araberan, emaitza honak baratzen dira. Atharratzeko kantonamentüan mementokoz 3500 eurotara heltzen dira emaitzak. Ostirale arratsan egin kantaldiak arrakasta handia üken dü eta antolatürik zen ibilaldiak ibilkari haboro bildü dütü. Mauleko kantonamentüan, mementokoz 20000 eurotarat heltzen dira bena antolazaleak aski baikor agertzen dira. Ostirale eta neskenegünean, animazione andana bat antolatürik ziren Xibero güzian. Antolazalek lagüntzale eta emaile güziak eskertzen dütüe beren bihotz hona eta alkartarzün handiarentako.
Entzün Mauleko merkatüan bildü lekükotarzün zonbait :


Entzün Louis Sallaberry Mauleko sü ehailea eta Telethoneko koordinazalea :

Entzün Burger jauna Atharratzekoa sü ehailea eta koordinazalea :

 

Abentüaren 2 eta 3an, 25 gerren Télethon ospatüko da Xiberoan ere ! Bada 25 urte orai Télethon besta antolatzen dela, güti ezagütürik diren eritarzünen ikertze lanen aitzina eramaiteko eta sos biltzeko egiten den kanpaina. Aurten ere, Xiberoan 2 lekütan animazione franko antolatürik dira Maulen eta Atharratzen. Xehetarzün lüzeetan sartü gabe, bi herrietako plazetan iraganen dira inganio haboroxenak eta igaran urteko emaitzaren arrapikatzea da antolazaleen xede nausiena. Igaran urtean, 5500 eurok bildürik izan ziren Atharratzen eta 30000 eurok Maulen. Hona bi kantonamentüentako Telethonen egitarau güzia.

Entzün Pierre Burger Atharratzeko Telethonen antolazale bat :


Entzün Eric Gaudin Mauleko telethonen antolazale bat :

Atharratzeko «Familles Rurales» alkarteak, hitzordü bat eskentzen dü azaroaren 29ean. Haurraren bortizkeria builtak dirateke aipagei, Pierre Lanusse Cazalet psikologoarekin. Haurraren bortizkeria ez da beti etxekoer züzentzen den egitate bat, baizik eta gaixki izate baten dei adarra izaten ahal da. Etxekoek ez dakigü beti nola bürü egin egitate horien aitzinean eta gure erantzünak ez dira beti egoki. Ait’etamen eginkizüna ez da haurraren behartzera beren nahitara, bena haurraren handitzen lagüntzea behar dütüan tresnak emanez. Hartakoz, epaitzea eta zigortzea ez dira elkibide hoberenak. Hatik, entzütea da lehen ürratsa, haurraren konprenitzeko helbürüarekin. Informazione gaüaldi hau azaroaren 29ean iraganen da gaüko 20.30tan Atharratzeko «Ahanpean» gelan.

Entzün Pierre Lanusse-Cazalet psikologoa :

Barkoxeko osagarri etxea, enerjia berriztagarriak eta bereziki egür sailaren indartzea eta 3 -12 urteren artekoentako inganio güneak plantan ezartea ! Hona zoin aipagei nausien üngürüan eraman diren eztabadak Herri Alkargoaren bilküran. Atharratzeko "Osagarri Etxe" xedea mementoan bazter ützirik balinbada, Barkoxekoa aitzina doa eta herriak lürra erosi eta eskentü dü euro batentzat Herri Alkargoari. Enerjia berriztagarri sailan, indarrak ezariko dira egür filieraren lagüntzeko, langile bat hartürik izan da estüdio baten egiteko. Bestalde, 3 eta 12 urteren artekoen inganatzea bakantza denboretan ez da aija familientzat, Atharratze eta Mauleko kantonamentüetan diren bi alkarteak lagüntüko dütü Herri Alkargoak, lan horren behar bezala antolatzen. Langile bat hartüko da urtean 8 hilabetez, alkarteen lana süstengatzeko.

Entzün Dominika Boscq Xiberoa Herri Alkargoako bürüa :

Aurten ere Bihotzeko Ostatüko lagüntzaleak hor dirate beharretan direner zerbütxü ekarteko. Astelehen oroz permanentziak etxekiko dütüe haien egoitzan, abentüaren 5etik aitzina. Lagüntza hau lortü nahi düenek bi permanentziak badira azaroaren 14 eta 21ean astelehenarekin arrestiriko 2etarik- 5tara. Eskü kaldü bat eman nahi düenek, astelehenez agertzen ahal dira Bihotzeko Ostatüaren egoitzan egün orotan. 2010 urtean, 9000 apaidü partekatü dira, erran nahi beita 1310 jente lagüntürik izan direla.

Entzün Panpi Lacarrieu Bihotzeko Ostatüko lagüntzalea :