XÜXENEAN ENTZÜN

Ekonomia - Turismoa

Bildozeko Biltegia zabalik !!

Nork zabaltü dü? zer eskeiniko dü? zer preziotan? noiz, nola? eta beste jakiteko beha alkarrizketa Cyril Cuello joanarazlearekin:

Nobia pala ekoizleak agiri berri bat lortü dü.

Esküan hobeki etxekitzeko eta kolpeen eztitzeko, Kautxuzko Gider edo iguña bat sortü düe. Hortako hebenko enpresa eta erretretadünen lagüngoa üken dü. Yves Poupon Sohütako lizeoko erakasle ohiak baldin badü lan handiena eraman ; kautxuarentako Etche Securité-ko Pierre-Francois Etchegoyhen-ek, EMO enpresako Mathieu Cristyk, eta Emac lantegiak ere lagüntü düe. Xedea 2014an abiatü bazen, orai baizik ez düe lortü agiri edo brebet horren ükeitera, izan iguñarena, bena ere hori palan gehitzeko manerarentako ere. Arren, pala berri horiek Nobiaren Mauleko Cancha saltegian ala beren webgunean salgei dira. Stephane Harbustan eta Yves Poupon :

13 urte IDOKI saltegia badela Irurin

Neskenegünez jende hanitx horra da saltegi hortara, izan gazna, ardo, arraultze, ezti, urdanki, behiki, ahateki, kuntserba edo baratzekien erosteko. 5 ekoizle baziren hatasarrean eta orai 8 dira, denak xiberotarrak eta Idokien filosofia jarraikitzen düenak. Zabalik da saltegia neskenegün goizez urte orotan bena ere asteazken, ostegün eta ostiralez saso betean, erran nahi beita üdan. Johañe Gohets Etchemendy :

"Kattin Coaching"ek bere bortak zabaltü dütü!!

Basabürüan ere hebentik aitzina züen kirola egiten ahalko düzüe ! Pezü galtzeko, trenpüan izateko ahal ginharren hantzeko edo indartzeko “Kattin Coaching” zabaltü da. Xede oroer adaptazen ahal da, eta saldoko kirola proposatzen badü, norberaren coachinga proposatzen dü ere. Ikasketak prestakuntza fisikan eginik, jauzi handia egin dü Kattin Marmissollek bere salaren zabaltzeko Atarratzen. Egün oroz zabalik da tenore esbardinetan neskenegün goiza arte. Intseatzeko kurtso bat proposatürik zaüzüe ere. Kattin Marmissolle:

Xirikota izeneko esneki eta gazna saltegi bat zabaltüko da Maulen !

Leheneko "Casino Ttipian" hots arraintegi parrean date Graxiana Castillon-en saltegia. Erizaingoa ützirik, eta ikastaldi elibat eginik, bide berri batetan abiatzen zaikü. Ezneki eta gaznaz gain, horiekin ontsa joaiten diren mozkinak ere salgei dirate, halanola erreximenta, xingar, ardo, garagardo, ala beste... Bena mozkin nausia gazna baratüko da, orotara 50 mota desbardin beitirate, hebenko dozena bat baita frantziakoa ala kanpokoa ere. Neskenegünean estrenaldia eginen dü bere lagüntzaleak kümitatzez, haatik dagün asteartetik aitzina oroer zabalik date. Ordutegiaren aldetik, astean kurtsean/zehar 9etarik 12.30tara eta 15.30etarik 19tara. Neskenegünez 8.30etarik 14etara. Graxiana Castillon :