2011an, axuri haboro saltzea Frantses merkatüan eta ardi ilea ere hobeki baloratzea helbürüa dü CAOSO koperatifak, huna zer jakinarazirik izan den ostiralean egin den biltzar nausian. 2009-2010 sasuan, koperatifako 481 hazleek, kasik 80 000 axuri ekarri dütüe koperatifala, prezioa 3.33 eurokoa güti gora behera izan delarik. Lehen urtekoz, biologikoan diren 8 hazleen 520 bat axuri saldü dü, bereziki jatetxe ospetsüetan. Label gorrian diren axurien kalitatea hobetü bada igaran sasuan, axuri biologikoarena orano hobe da, ekoizpen hori baliatü düen sükaltarien araberan. Azkenean 70 tona ardi ile saldü dütü CAOSOak izolazionearentako. Dagün urtean 200 tonaren saltzea esperantxa dü Nature Laine enpresaren bidez. CAOSOk karreiü zerbütxü bat proposatüko dü hebentik aitzina eta lasto, belhar eta besteen salmenta ere hasiko dü.

Entzün Jean-Marie Etchegorry CAOSO koperatifako teknikalaria :

Iragan astean, "Departamentüko Hurzainak" edo «Office National de l' Eau et des Milieux Aquatiques»ko kideek, Mendikotako Ühaitz bazterrean, arrainak ikertü dütüe. Arrainak biribilkatü ondoan, sare bati esker bildü dütüe kontatzeko, pezatzeko, neurtzeko eta mota ezbardinen biltzeko. Ikertze lana egin eta, arrainak ühaitzean arrezarri dütüe, arrantzükatzeko izateko gisan. Urte oroz, departamentüko erreka ezbardinen üngürüa egiten düe, beti ber leküan konparaketen egiteko.
Aurten, Gael Denis, Pariseko "Historio Natüraleko Müseoko" ikerlaria hor günüan, Ühaitzatik Aturri ibaira artino arrain süerte zonbait hor baizik ez beitira atzamaiten : Txipa eta Talamazoka. Alain Borda hurzainak erran deikünaren araberan, departamentüan Ühaitza da erreka xahüena.

Entzün Alain Borda hurzaina :

Energia berriztagarrien, eko-eraikintzaren eta bizigia sanoaren Xiberoko 5. erakusgia igaranen da dagün azaroaren 5 eta 6an Maulen. Aurten, ohartüren zideen bezala, izenez kanbiatü da eta erakusgiatik baratzegintzala beste manera batetara plantatürik date, denboraz llabürragoa eta Maule-Lextarre erdiala hüllantarazirik. Tresneria edo teknika erakusle gütiago ere badirate, bena, ordariez, animazione eta hitzaldi-eztabadaka haboro ! Aurtenkoak baratzegintza düke aipagei nausi, bena energia berriztagarriek eta etxearen antoladürak ere lekürik badükee. Aurten  beste berritzapenik ere badate, hala nola argindarrarekilan ariarazten diren ebilgailüak. Ikusteko eta ikasteko badate  Mauleko Kürütxe Xurieko plazan, Energia berriztagarrien, eko-eraikintzaren eta bizigia sanoaren Xiberoko 5. erakusgian. Eta gogoan etxek ezazüe sartzea dohainik izanen dela.

Entzün Jean-Pelle Iriart, Xiberoa Herri Alkargoako Garapen Iraünkorreko batzordebürüa :

Ossau Irati sormarkaren biltzar nausia aitzin, ohi den bezala, sormakaren famili ezbardinen biltzarrak egin dira aste hontan. Etxe gazna egileen jünta astelehenean egin da Mauleko Ansoenean. Biltzarrak, aipagei andana baten eztabadatzeko parada eman dü, hala nola, sormarka zertan den ?, bazkatzeko manerak, sormarkaren ükeiteko bete behar berriak, edo merkatüetan gazna arrasalzaleekin dütüen arrenkürak. Etxe gazna egileen ikusmoldea ekarriko da, Ossau Irati sormarkaren biltzar nausian, ürrietaren 28an ostegünarekin Aretan arrestiriko 14etan.

Entzün Frantxoa Tambourin, Ossau-Irati sormarkako etxe gazna egilea :