Xiberoko Botza

Mauleko ihauteak gibeltürik

Ebiarengatik baldintzak ez direlakoan betetzen, Mauleko ihauteak bihar izanen dira azkenean. Abiatzeko hitzordüa arrestiriko 2etan emanik da Mauleko zaharretxean. Arrestiriko 4.30tan haurrer arrestiri askaria eskeiniko zaie, eta Zanpantzarren auzia eta errearaztea Lextarreko plazan eginen dira arrestiriko 5.30tan.
Pitzgarrik parropia gelan antolatü aiharia aldiz gaur eginen da, Beninerat (Afrika) joanen diren sei gazteen bidajea pagatzeko. 13 eurotan izanen da eta izenen emaiteko zenbaki hontarat deitü behar da : 05 59 28 39 14.
Zinka ostatüak antolatzen düan kontzertüa gaur izanen da iragarri bezala. Tud taldea ariko da, Dut talde famatüaren kantoreekin. Taldeaz xehetarzünak heben klikatzez.
Entzün Maider Larrori, Pitzgarri alkarteko kidea :

Comments (3)

Eznearen erakunde bat sortzeko bidean

Behi eznearen gorabeherak ez dira hürrünik ere ürrentürik. APLI alkarteak (Ezne ekoizle independenteen alkartea) berriz ere bere botza entzünarazi dü. Ezne ekoizleer eznearen erakunde berri baten (office du lait) sortzea proposatü deie, eta gehiengoa alte agertü da. Departamentü osoan %70k baiezko arrapostüa eman badü, orano haboro dira ipar Eüskal Herrian (%90). Hilabete hontan ere eznearen prezioa apala da, 280 eurotan beita tona. Canadako ekoizle zonbaitekin bildü da berriki APLI, eta hanko ibilmoldea eredü gisa aipatzen düe. Han, ezne tona 453 euroetan pagatürik zaie, eta kontsümitzailearengan ondoramen txarrik gabe, hebenko prezioa beno %13az apalagoan kausitzen beitü ezne pinta.
Entzün Carmen Errandonea, APLIko diharüzaina :

Add new comment

Erik Satie Hebentikenean

Hebentik kolektiboak hilabetean behin gaüaldi bereziak antolatzen dütü bere egoitzan, Maulen. Aldi bakotx, Hebentikeko kide batek dü gaüaldia aurkezten, eta aldi hontan Angélique Fulin da antolatzailea. Pianista bat haütatü dü animazioaren ardatz gisa. Erik Satie pianista eta müsika sortzailea dateke beraz aipagei, eta bi ürratsetan. Batetik, neskenegün hontan (barantailaren 6) filma bat ikusgei dateke, ondotik Angélique Fulinek jarraikiko düalarik. Bigerren gaüaldia dagün astean izanen da, barantailaren 13an. Bi hitzordüak ülüntzeko 7etan dirateke.
Entzün Angélique Fulin :

Eric Satie :

Add new comment

What is basque identity ?

Ostegün gaü hontan (barantailaren 4) Donapaleün, Argitxu Camus xiberotar ikerleak "Estatü Batüetako eüskaldünak eta eüskal nortarzüna" deitü düan mintzaldi bat emanen dü. Argitxu lüzaz egon da ipar Ameriketan eüskal etxe batetik bestealat, eta ünibertsitateko lanak ere badütü eginik gei horren üngürüan.
Alkarrizketatü dügülarik, Argitxuk anekdota batekin argi ützi deigü Estatü Batüetan bizi diren eüskaldün hanitx zoin kontserbadore izaten ahal diren (aipageiari zerbait ekarten deiolakoan idazten dügü hau). Artzainen omentzeko, 1989an Reno hirian (Nevada) Nestor Basterretxearen zizelketa edo eskültüra bat ezarririk izan zen (ezkerreko argazkia). Hanitxen gustüko ez zelakoan, ber hirian jatetxe bat düan eüskaldün batek beste omenaldi bat egin zeien artzainer (esküineko argazkia), bena hau tradizionalagoa.
Hortaz gain, Argitxu Camusen mintzaldian, nortarzün bikoitza aipagei izanen da, amerikar eta eüskaldün nortarzünak üztartzen beidütüe. Entzün Argitxu Camus :

Hitzordüa ostegün hontan, barantailaren 4an, gaüko 8.30 Donapaleüko elizaren gibelean, zerbütxü günean.

Add new comment

Dantzaz, 1.01

1.01 deitzen da Dantzaz talde gipuzkoarraren azken lana. Filgi Claveriek züzentzen düan talde hontan, dantzari profesionalak bilakatüko diren dantzari gazteak agertzen dira. Urte bat iragaiten düe dantza talde hortan, profesionalak bilakatzeko trebatzen. Urte oroz, dantzari horiekin ikusgarriak aurkezten dütü Dantzaz konpainiak, eta azken urteetan Maulen ere ikusteko parada eskeintzen deigüe. 1.01 hontü düen koreografoak hiru dira : Christophe Garcia, Hilde Koch eta Eric Gauthier.
Ostirale hontan, barantailaren 5an emanen düe 1.01, gaüko 9etan Maule Baitha zinema gelan. Xehetarzün haboroentako entzün Christelle Mange, Mauleko kültür teknikalaria :