Baiona, Donibane Garazi eta Sarratik landa, Batera plataformak Maulen ospatüko dü dagün urte hatsarrean sortüko den Euskalerriko Herri alkargoa bakarra. Orit herrien % 70a egitüra berriaren alde agertü dela, eta herritarren % 66a. Baterak historikotzat hartzen dü Herri Alkargoa bakotxaren sortzea, bere erranetan, lehen aldikoz Ipar Euskalerria egitüra bakotx batetan hartürik beidate, bere 300 000 bizizaleekin.

Leonie Agergarai :

Hala ere Batera Plataformak hüillantik begia etxekiko deiola Herri Alkargoa honi erran dü, ezen plataformaren 4 aldarikapenetan beitira hiru obratürik ez direnak: Eüskararen ko-ofizialtarzüna, E.H.ko ünibersitatea, eta E.H Laborantxa Kabararen ezagützapen ofiziala. Neskenegüneko ospakizünak direla eta, 11tan da hitzordüa emanik Mauleko Herriko etxe aitzinean, non “puzzle” baten gisan , etxe bat eraikia izanen den, Baterako eta beren lagünen ganik, besta giro batetan igaranen da hitzordüa.