Eskola sartzea Xiberoan

Inprimatu

Igaran ostegünean, eskola, kolegio, lizeoetan, pübliko ala pribatüan sartzea igaran da. Xiberoko hiru kolegioetan züzendari kanbiamen izan dira. Argia kolegioko Alain Figueroa erretretalarat  joan beita, San Frantses kolegioko Sophie Larrandabürü eta Atarratzeko kolegioko Bruel züzendarisak ikasetxeaz kanbiatü beitira. Bestalde, L.A.R.P.S lizeoan Berrogaine-Lahüntzen, bost gela arraberritü dütüe eta Mendikotako barnategian lan egin düe 4. eta 3. gerreneko ikasleer batzarria egiteko. Aurten, erreforma profesional berriaren gatik, klase zonbait aski kargatürik badira eta gelak erdizkatü behar izan dütüe. Champo ikasetxean aldiz, lürraldeko kontselüa lagüntzarekin,  ikasleentako etxe bat eraiki düe. Bilgüne, trükatze, bülego, müsika eta informatika gela, kafeteria badirateke ikasleen zerbütxüko. Eskola zonbaitetan aitetamak mobilisatü dira, hala nola  Barkoxen,  burasoek eskola oküpatü düe. Bigerren urtearentako segidan postü erdi bat galtzen düe eta 2 urtez postü oso bat. Orai artino Barkoxen erakasle postü bat bazen frantses erakaskuntzarentako eta postü bat osorik eüskararentako. Akademiako Inspekzioko ordezkariak Barkoxeko eskolan ziren igaran ostiralean beren proposamenen egiteko : postü eterdi frantsesarentako eta erdi bat eüskararentako. Eskolako burasoak ez beitira ados proposamen horrekin beren ez adostarzüna erakusti düe. Asteazkenean setemere 8an, Akademiako Inspekzioak erantzün dü eta üdüriala igaran urteko ber postüak begiratzen dütüe, postü bat frantsesean eta beste postü bat eüskaran. Eperra ikastolan Sohütan haurrak emendatü beitira eta ikastola  ttipiegi delakoz, gela bat kanpoan ezari düe "algeco" delako güne batetan.

Entzün Colette Xuriberri Barkoxeko eskolako burasoen ordezkaria :


Entzün Perriau jauna Akademiako Inspekzioko ordezkaria Barkoxeko eskolaz mintzo :

Entzün Darrak jauna San Frantses kolegioko züzendari berria :

Entzün Pucheu jauna, Argia kolegioko züzendari berria :

Entzün Fernandez jauna Atarratzeko kolegioko züzendari berria :

Entzün Céline Borthiry Idauze-Mendiko elebidün eskolako erakaslea :

Entzün Sohütako lizeoko züzendaria Youngman jauna :

Entzün Champo lizeoko züzendarisa More anderea :

Entzün Eperra ikastolako züzendarisa Ani Aguer :

Entzün L.A.R.P.S ikasetxeko züzendaria Gaget jauna :


Barkoxeko eskolaren           Eskola sartzea           Pucheu jauna               Darracq jauna
oküpazionea                      Eperra Ikastolan        Argia kolegioko          San Frantses kolegioko
Haurrak eta aitetamak        Sohütan                    züzendari berria           züzendari berria