• PDF fitxategia
  • Inprimatu

Lantare erakusketa Zinkan

Johañe EtxemendiOstirale hontan Mauleko Zinka ostatüan lantare zonbaiten aurkezpena eginen da. Johañe Etxemendi iruritarrak goizean bildü lantareak ekarriko dütü, eta horien baliapenaz argibideak ekarriko dütü. Zonbait bere baratzean bildüko dütü, besteak (basa lantareak) zoinahi bazterretan. Sasuko sendabelarren hobeki ezagützeko parada izanen da, ez beita estatü frantsesean komertzioan holakorik aisa atzamaiten ahal. Farmazien presioneengatik besteak beste, Johañe Etxemendi eta bere gisan lan egiten düenek, lantareak tisana gisa baizik ez dütüe saltzen ahal.
Zinkan ostirale hontan (arramaiatzaren 11) lantare horiek txestatzea ere proposatüko zaizüe, pintxoak eginen beitira goizean bildüko direnekin.
Entzün Johañe Etxemendi :

Comments (1)
  • PDF fitxategia
  • Inprimatu

Nabolegiko jeisteko tresna

Ahüzki gainean, Nabolegi olan, ardien jeisteko tresna berri bat ezarri düe. Holakorik ez beita üsü ikusten bortüan, harat joan gira mikro eta kamera batekin. Pierre Jaragoien laborari Altzükütarrak, beste laborari batekin eta artzain gazte batekin, 300 bat ardiko saldoa badüe gain hartan. Esküz jeistez beno, erran gabe doa, hanitxez denbora gütiago behar düe orai. Horri esker, bortüan gazna egiten ahal düe etxalteko lanak egitez. Erran behar da ere bortüan holako tresneriaren ezarteko sos lagüntzak handiak direla (% 70 eskualdeko kontseilüa eta kontseilü orokorretik, % 20 xiberoko sindikatütik).
Heben pean Ahüzkin Beñat Hach Embarek Irizarrek egin bideoa ikusgei düzüe (üda orotan ariko da gure lagüntzen).
Entzün Pierre Jaragoienen alkarrizketa osoa :


JavaScript is disabled!
To display this content, you need a JavaScript capable browser.

Comments (2)
  • PDF fitxategia
  • Inprimatu

8,5 miliu euro Xiberoko turismoan

Irabarneko jauregia berritürikXiberoko turismoan, pribatüak eta püblikoak nahasirik, eginik direnak eta orano xede direnak alkartürik, orotara 8 milu eta erdi euro ezarririk izan da. Iragan astean hala erranik izan zen Xiberoko turismo bülegoaren biltzar nagusian. Hortaz gain, 2009ko sasua uste beno hobeagoa izan dela gehitü düe ; autobüsez egiten diren bijitak emendatü ziren, bai eta ere Kakueta eta Mauleko gaztelüaren bijita kopürüak. Aterpetxe ezberdinetan aldiz, jente gütiago kontatü zütüen iragan urtean.
Dena den, erran bezala, turismoa indartü nahian sosa ezarten da Xiberoko bazter güzietan. Aurten, Camping-Car delakoetan horra direnekin zer egin pentsatzen hasiko dira, turismo mota hori hobeki küdeatzeko.
Entzün Jean Otazu, turisma bülegoko züzendaria :

Add new comment
  • PDF fitxategia
  • Inprimatu

Gurseko eüskal herritarrak

Gursen egon ziren eüskal herritarren historia ez da historia libürü hanitxetan atzamaiten ahal. Ez dadin ahatzerik izan, Jean Claude Larrondek mintzaldiak emaiten dütü ezker-esküin. Ostirale hontan (arramaiatzaren 4an) Etxahun alkarteak kümitatürik, berriz aipatüko dü nola estatü espainolan frankismoaren kontre borrokatü züen jenteak Gursen preso sartürik izan ziren. Aipatüko dü ere nola Lapurdiko jauntto batek errefüsiatu errepüblikarren kontrako sarekada bat antolatü züan.
Hemen entzüten ahal düzüe mintzaldiaren llabürpena. Jean Claude Larronde :

Add new comment
  • PDF fitxategia
  • Inprimatu

Irrati nümerikoa aitzina doa

SNRL edo estatü frantseseko irrati libreen sareak biltzar nagusia egin züan iragan astean Nantesen (Bretañan). Lole han zen Xiberoko Botza, Eüskal Irratietako beste irratiak bezala sare horren partaide beita. Bada bizpahiru urte sindikata horren baitan irrati nümerikoaren üngürüko eztabaidak badirela, alde batetik goiz ala berant jauzia egin beharko beita, eta gobernüak irrati nümerikoarentako norma bat haütatü beitü, bena oroen gustükoa ez dena. Enpresa handi zonbaiten nahiküntea irrati nümerikoa sare telefonikoen bidez hedatzea litzateke, eta segürrenik pagaraztez, bena SNRL sindikatak antena bidez heda dadin galtatzen dü, irratia dohainik izan dadin geroan ere.
Entzün xehetarzünak Lolekin :

Add new comment

Gehiago irakurri...

JPAGE_CURRENT_OF_TOTAL